Yash | ‘కేజీఎఫ్’ సిరీస్ చిత్రాలతో పాన్ ఇండియా వైడ్గా తిరుగులేని స్టార్డమ్ను సొంతం చేసుకున్నారు కన్నడ స్టార్ హీరో యష్. అయితే ‘కేజీఎఫ్-2’ తర్వాత యష్ చేయబోయే సినిమా ఎలా ఉంటుందోనని.. ఏ జానర్లో సినిమా చేస్తాడో అని దేశవ్యాప్తంగా అభిమానులు ఆసక్తిగా ఎదురుచూస్తున్నారు. ఈ క్రమంలోనే యష్ తన తదుపరి ప్రాజెక్ట్ ‘యష్-19’ ను అనౌన్స్ చేసిన విషయం తెలిసిందే.
యాశ్ 19గా తెరకెక్కనున్న ఈ సినిమాకు సంబంధించి మేకర్స్ తాజాగా టైటిల్ను రివీల్ చేశారు. ‘టాక్సిక్’ (Toxic) అనే పేరుతో ఈ చిత్రం ప్రేక్షకుల ముందుకు రానున్నట్లు చిత్ర బృందం ఓ స్పెషల్ వీడియో ద్వారా అనౌన్స్ చేసింది. ప్రస్తుతం ఈ వీడియో మూవీ లవర్స్ను ఆకట్టుకుంటూ సోషల్ మీడియాలో తెగ వైరల్ అవుతుంది. అయితే ఈ మూవీలో యశ్కు జోడీగా సాయిపల్లవి నటించనున్నట్లు టాక్. కన్నడతో పాటు తెలుగు, తమిళం, మలయాళం, హిందీ భాషల్లో ఈ సినిమా 2025 ఏప్రిల్ 10న గ్రాండ్గా విడుదల కానుంది.
‘What you seek is seeking you’ – Rumi
A Fairy Tale for Grown-ups
#TOXIChttps://t.co/0G03Qjb3zc@KvnProductions #GeetuMohandas— Yash (@TheNameIsYash) December 8, 2023
ఇక ఈ వీడియోలో యశ్ ఓ చేతిలో పెద్ద గన్ పట్టుకుని మరో చేత్తో సిగరెట్ తాగుతూ కనిపించారు. ఈ చిత్రాన్ని కేవీన్ఎన్ ప్రొడక్షన్స్ నిర్మిస్తుండగా జాతీయ అవార్డు గ్రహీత గీతూ మోహన్ దాస్ దర్శకత్వం చేయనుంది. ఇక యాక్టర్గా కెరీర్ మొదలుపెట్టిన గీతూ మోహన్ దాస్ ఆ తర్వాత మెగాఫోన్ పట్టింది. ఈమె రీసెంట్గా తెరకెక్కించిన ‘లయర్ డైస్’ అనే మూవీ ఆస్కార్ నామినేషన్స్లో నిలిచిన విషయం తెలిసిందే. ప్రస్తుతం ఈ సినిమా లొకేషన్ సెర్చ్ కోసం యష్ శ్రీలంకలో పర్యటిస్తున్నట్లు సమాచారం.