సునీల్‌ ‘అందాల రాముడు’ ముందుగా ఎవ‌రు చేయాల్సిందో తెలుసా..?

చాలా సినిమాలకు ముందు అనుకున్న హీరోలను కాకుండా మరో హీరోలను తీసుకుంటారు. అలా మారిపోయిన స్క్రిప్టులు.. సినిమాలు బోలెడుంటాయి.

April 15, 2021 / 10:07 PM IST

సునీల్‌ ‘అందాల రాముడు’ ముందుగా ఎవ‌రు చేయాల్సిందో తెలుసా..?

చాలా సినిమాలకు ముందు అనుకున్న హీరోలను కాకుండా మరో హీరోలను తీసుకుంటారు. అలా మారిపోయిన స్క్రిప్టులు.. సినిమాలు బోలెడుంటాయి. అందులో కొన్ని మరో హీరోలకు వెళ్లి సంచలన విజయం సాధిస్తుంటాయి కూడా. అలా ఎవరో అనుకున్న సినిమాలో సునీల్ వచ్చి విజయం అందుకున్నాడు. ఆ సినిమా అందాల రాముడు. 15 ఏళ్ల కింద వచ్చిన ఈ చిత్రం సంచలన విజయం సాధించింది. అప్పటి వరకు కమెడియన్ గా ఉన్న సునీల్ కాస్తా ఈ సినిమాతో హీరో అయ్యాడు. అలీ, బ్రహ్మానందం లాంటి కమెడియన్లు కూడా హీరోలుగా నటించారు కానీ ఎక్కువ కాలం స్టార్స్ గా నిలవడలేకపోయారు. అలాంటి సమయంలో సునీల్ అందాల రాముడు సినిమాతో హీరోగా మారాడు. 2006లో విడుదలైన ఈ చిత్రం అప్పట్లోనే 12 కోట్ల షేర్ వసూలు చేసింది.

కమెడియన్‌గా ఉన్న సునీల్ అందాల రాముడు సినిమాతో హీరో అయిపోయాడు. డాన్సులు, కామెడీ, ఎమోషన్స్ తో పిచ్చెక్కించాడు. లక్ష్మీనారాయణ తెరకెక్కించిన ఈ చిత్రం సంచలన విజయం సాధించింది. ఆర్బీ చౌదరి ఈ చిత్రాన్ని నిర్మించాడు. 2006లో విడుదలైన అందాల రాముడు సినిమాతో సునీల్ కెరీర్‌ మారిపోయింది. అయితే ఈ చిత్రంలో ముందు హీరో ఈయన కాదు. సునీల్ కాకుండా మరో హీరోను అనుకున్నారు. 1996లో లివింగ్ స్టన్, రంభ జంటగా వచ్చిన సుందర పురుషన్ సినిమాకు రీమేక్ అందాల రాముడు. అప్పట్లో సినిమా సంచలన విజయం సాధించింది.

అదే సమయంలో తెలుగులో ఈ సినిమాను సీనియర్ నటుడు బ్రహ్మాజీ హీరోగా రీమేక్ చేయాలనుకున్నారు దర్శక నిర్మాతలు. కృష్ణవంశీతో సిందూరం సినిమా చేస్తున్న సమయంలోనే బ్రహ్మాజీ దగ్గరికి సుందర పురుషన్ రీమేక్ ఆఫర్ వచ్చింది. అయితే అలాంటి సీరియస్ సబ్జెక్ట్ చేస్తున్న సమయంలో కామెడీ సినిమా చేయడం ఇష్టం లేని బ్రహ్మాజీ.. సుందర పురుషన్ రీమేక్‌కు నో చెప్పాడు. సిందూరం తర్వాత చేద్దామనుకున్నా దర్శక నిర్మాతలు మళ్లీ కలవలేదు. పదేళ్ల తర్వాత సుందర పురుషన్ సినిమాను సునీల్ హీరోగా అందాల రాముడు పేరుతో రీమేక్ చేసారు. ఏదేమైనా కూడా బ్రహ్మాజీ మిస్ అయిన సినిమా సునీల్ కు విజయం అందించింది.