Visit:
Vishwambara | మెగాస్టార్ చిరంజీవీ నటించిన తాజా చిత్రం “మన శంకర వరప్రసాద్ గారు” బాక్సాఫీస్ వద్ద భారీ విజయం సాధించిన సంగతి తెలిసిందే. ఈ సక్సెస్తో చిరు ఫ్యాన్స్లో మళ్లీ ఉత్సాహం నిండిపోయింది. ఇక ఈ సినిమా తర్వాత మెగాస్టార్ నుంచి రానున్న అత్యంత అవైటెడ్ ప్రాజెక్ట్ ‘విశ్వంభర’. దర్శకుడు వశిష్ఠ తెరకెక్కిస్తున్న ఈ చిత్రం విజువల్ పరంగా ఓ గ్రాండ్ ఫాంటసీ ఎంటర్టైనర్గా రూపొందుతోంది.నిజానికి ‘విశ్వంభర’ ముందే ప్రేక్షకుల ముందుకు రావాల్సిన సినిమా. కానీ మేకర్స్ క్వాలిటీ విషయంలో ఎక్కడా రాజీపడకూడదని గట్టిగా నిర్ణయించుకోవడంతోనే ఈ సినిమా విడుదల ఆలస్యమైంది. ముఖ్యంగా విజువల్ ఎఫెక్ట్స్, గ్రాఫిక్స్, ఫాంటసీ వరల్డ్ డిజైన్ విషయంలో అంతర్జాతీయ స్థాయి అవుట్పుట్ ఇవ్వాలనే లక్ష్యంతో ప్రతి ఫ్రేమ్పై ప్రత్యేక శ్రద్ధ పెట్టుతున్నారని సమాచారం.
ఇక తాజాగా ఈ సినిమాపై ఓ ఆసక్తికర అప్డేట్ వినిపిస్తోంది. ‘విశ్వంభర’ నుంచి త్వరలోనే మరో సాలిడ్ వీడియో టీజర్ విడుదల చేయాలని మేకర్స్ ప్లాన్ చేస్తున్నారని టాక్. ఇప్పటికే వచ్చిన ప్రమోషనల్ కంటెంట్కు మంచి స్పందన లభించగా, ఇప్పుడు విడుదలయ్యే ఈ కొత్త టీజర్ అద్భుతమైన విజువల్స్తో ప్రేక్షకులను మరో స్థాయికి తీసుకెళ్లేలా ఉంటుందట. ఈ టీజర్ ద్వారా సినిమాపై అంచనాలు మరింత పెంచాలని టీమ్ భావిస్తున్నట్లు తెలుస్తోంది.మెగాస్టార్ చిరంజీవీ ఫాంటసీ జానర్లో చేసిన సినిమాలకు ప్రత్యేకమైన మార్కెట్ ఉందన్న విషయం తెలిసిందే. సరైన కంటెంట్, గ్రాండ్ ప్రెజెంటేషన్ ఉంటే ఈ తరహా సినిమాలు అన్ని వర్గాల ప్రేక్షకులను ఆకట్టుకునే అవకాశాలు ఉన్నాయి.
‘విశ్వంభర’ కూడా ఆ రేంజ్లో చిరు కెరీర్లో మరో గుర్తుండిపోయే చిత్రంగా నిలుస్తుందా? అన్న ఆసక్తి అభిమానుల్లో నెలకొంది. ఈ చిత్రంలో త్రిష హీరోయిన్గా నటిస్తుండగా, యూవీ క్రియేషన్స్ భారీ బడ్జెట్తో నిర్మాణం వహిస్తోంది. విజువల్స్, కథ, మెగాస్టార్ స్క్రీన్ ప్రెజెన్స్ అన్నీ కలిసొస్తే ‘విశ్వంభర’ టాలీవుడ్లో ఫాంటసీ సినిమాలకు మరో బెంచ్మార్క్గా మారే అవకాశం ఉందని సినీ వర్గాలు అభిప్రాయపడుతున్నాయి. ఇప్పుడు అందరి దృష్టి మాత్రం రాబోయే ఆ కొత్త టీజర్పైనే ఉంది.
