Vijay | పాట పాడిన విజయ్‌.. దీపావళికి వచ్చే పాట ఇదేనా..?

వంశీ పైడిపల్లి దర్వకత్వంలో చేస్తున్న వారసుడు సినిమా నుంచి తొలి పాట దీపావళికి విడుదల చేయనున్నట్టు ఇప్పటికే అప్‌డేట్‌ వచ్చింది. కాగా ఇపుడు మరో ఇంట్రెస్టింగ్‌ న్యూస్‌ ఫిలింనగర్‌ సర్కిల్‌లో చక్కర్లు కొడుతోంది.

October 18, 2022 / 08:19 PM IST

Vijay | పాట పాడిన విజయ్‌.. దీపావళికి వచ్చే పాట ఇదేనా..?

కోలీవుడ్‌ స్టార్‌ హీరో విజయ్‌ (Vijay )ప్రస్తుతం వంశీ పైడిపల్లి (Vamshi Paidipally) దర్వకత్వంలో వారసుడు సినిమా చేస్తున్నాడని తెలిసిందే. ఈ సినిమా నుంచి తొలి పాట దీపావళికి విడుదల చేయనున్నట్టు ఇప్పటికే అప్‌డేట్‌ వచ్చింది.కాగా ఇపుడు మరో ఇంట్రెస్టింగ్‌ న్యూస్‌ ఫిలింనగర్‌ సర్కిల్‌లో చక్కర్లు కొడుతోంది. రంజితమే ఏ రంజితమే (Ranjithame Ye Ranjithame) అంటూ ఈ పాట సాగనుండగా.. విజయ్‌ కూడా గొంతు కలపబోతున్నాడట.

పాపులర్‌ గాయని జోనితా గాంధీ పాటను పాడనుండగా.. విజయ్‌ ఆమెతో కలిసి వాయిస్‌ ఇవ్వనున్నట్టు ఇండస్ట్రీ సర్కిల్‌ లో ఓ వార్త హల్‌ చల్‌ చేస్తోంది. మరి దీపావళికి విడుదలయ్యే పాట ఇదేనా..? కాదా..? అనేది క్లారిటీ రావాల్సి ఉంది. వారసుడు చిత్రంలో జయసుధ, ప్రకాశ్‌, ప్రభు, శ్రీకాంత్‌, యోగిబాబు, శరత్‌ కుమార్‌ ఇతర నటీనటులు కీలక పాత్రలు పోషిస్తున్నారు. ఎస్‌ థమన్‌ సంగీతం అందిస్తున్నాడు.

తెలుగు, తమిళ భాషల్లో తెరకెక్కుతున్న ఈ చిత్రాన్ని శ్రీ వెంకటేశ్వర క్రియేషన్స్‌, పీవీపీ బ్యానర్లు సంయుక్తంగా నిర్మిస్తున్నాయి. దిల్‌ రాజు, శిరీష్‌ నిర్మాతలుగా వ్యవహరిస్తున్నారు. కన్నడ భామ రష్మిక మందన్న హీరోయిన్ గా నటిస్తున్నది. దర్శకుడు వంశీ పైడిపల్లితోపాటు హరి, అహిషోర్‌ సాల్మన్‌ కథ, స్క్రీన్‌ప్లే అందిస్తున్నారు.