క్రేజీ కాంబినేషన్‌ సెట్‌ అయ్యిందా?

అగ్ర కథానాయకుడు విజయ్‌ దేవరకొండ ప్రస్తుతం రౌడీ జనార్దన, రణబాలి.. సినిమాలతో బిజీగా ఉన్నారు. వీటి తర్వాత చేయబోయే సినిమాక్కూడా ఆయన రంగం సిద్ధం చేసుకుంటున్నట్టు వినికిడి. తాజా సమాచారం ప్రకారం ఇటీవలే దర్శకుడు విక్రమ్‌ కె.కుమార్‌ ఓ కథను విజయ్‌ దేవరకొండకు వినిపించారట.

అగ్ర కథానాయకుడు విజయ్‌ దేవరకొండ ప్రస్తుతం రౌడీ జనార్దన, రణబాలి.. సినిమాలతో బిజీగా ఉన్నారు. వీటి తర్వాత చేయబోయే సినిమాక్కూడా ఆయన రంగం సిద్ధం చేసుకుంటున్నట్టు వినికిడి. తాజా సమాచారం ప్రకారం ఇటీవలే దర్శకుడు విక్రమ్‌ కె.కుమార్‌ ఓ కథను విజయ్‌ దేవరకొండకు వినిపించారట. విజయ్‌కి కూడా కథ బాగా నచ్చడంతో ఆయన గ్రీన్‌ సిగ్నల్‌ ఇచ్చేసినట్టు తెలిసింది.

ప్రతిష్టాత్మక చిత్ర నిర్మాణ సంస్థ యూవీ క్రియేషన్స్‌ ఈ చిత్రాన్ని నిర్మిస్తుందని సమాచారం. గుర్రపుస్వారీల నేపథ్య కథాంశంతో రూపొందనున్న ఈ సినిమాకు ‘స్వారీ’ అనే టైటిల్‌ను అనుకుంటున్నారట. అసలు ఈ వార్తలో నిజం ఎంతుందో తెలియాలంటే ఇంకొన్ని రోజులు ఆగాల్సిందే. ఇదిలావుంటే.. హీరో నితిన్‌ కోసం విక్రమ్‌ కె.కుమార్‌ సిద్ధం చేసుకున్న కథ ఇదని, కొన్ని కారణాల దృష్ట్యా అది ఇప్పుడు విజయ్‌ చెంతకు చేరిందని ఫిల్మ్‌ వర్గాల్లో టాక్‌ నడుస్తున్నది.