Tillu Square | టాలెంటెడ్ యాక్టర్ సిద్దు జొన్నలగడ్డ (Siddu Jonnalagadda) టైటిల్ రోల్లో నటిస్తున్న సీక్వెల్ ప్రాజెక్ట్ టిల్లు 2 (Tillu Square). డోనరుడా ఫేం మల్లిక్రామ్ (Mallik Ram) దర్శకత్వం వహిస్తున్న ఈ చిత్రంలో అనుపమ పరమేశ్వరన్ ఫీ మేల్ లీడ్ రోల్లో నటిస్తోంది. ఈ మూవీని సితార ఎంటర్ టైన్మెంట్స్ బ్యానర్పై నాగవంశి తెరకెక్కిస్తున్నారు. ఇప్పటికే ఈ సినిమా నుంచి విడుదల చేసిన ఫన్ ట్రాక్ వీడియోతోపాటు టికెటే కొనకుండా పాటకు మంచి స్పందన వస్తోంది. ఇదిలా ఉంటే.. ఈ మూవీ నుంచి తాజాగా మరో ఇంట్రెస్టింగ్ అప్డేట్ ఇచ్చారు మేకర్స్.
ఈ సినిమాను మొదట సెప్టెంబర్ 15న థియేటర్లలో గ్రాండ్గా విడుదల చేయనున్నట్లు మేకర్స్ ప్రకటించిన విషయం తెలిసిందే. అయితే షూటింగ్ పూర్తి అయినా పోస్ట్ ప్రొడక్షన్ పనులు ఇంకా కంప్లీట్ కాకపోవడంతో ఈ మూవీ విడుదల తేదీని వాయిదా వేశారు. కాగా.. చాలా రోజుల గ్యాప్ తర్వాత టిల్లు 2 (Tillu Square) నుంచి మేకర్స్ సాలిడ్ అప్డేట్ ఇచ్చారు.
His-Story will repeat once again in theatres with #TilluSquare! 😎🕺
Tillu anna MASS is all set to blast the theatres with DOUBLE the FUN & DOUBLE ENTERTAINMENT from FEB 9th, 2024! 🔥🤩#TilluSquareOnFeb9th 🤟#Siddu @anupamahere @MallikRam99 @ram_miriyala @NavinNooli… pic.twitter.com/LPdKINmS18
— Sithara Entertainments (@SitharaEnts) October 27, 2023
ఈ మూవీకి సంబంధించి కొత్త విడుదల తేదీ ప్రకటించారు. ఈ సినిమాను ఫిబ్రవరి 9, 2024 గ్రాండ్గా విడుదల చేయనున్నట్లు తెలిపారు. ఈ విషయాన్ని తెలుపుతూ.. ”టిల్లు అన్న మాస్ ఫిబ్రవరి 9, 2024 నుంచి మొదలవుతుంది. డబుల్ ఫన్ అండ్ డబుల్ ఎంటర్టైన్మెంట్తో థియేటర్లను పేల్చడానికి సిద్ధంగా ఉండండి.” అంటూ చిత్రబృందం ట్విట్టర్లో రాసుకోచ్చింది.
సితార ఎంటర్టైన్మెంట్స్ ఫార్చూన్ ఫోర్ సినిమాస్ బ్యానర్తో అసోసియేట్ అవుతూ తెరకెక్కిస్తోన్న ఈ సినిమాకు రామ్ మిర్యాల సంగీతం అందిస్తున్నాడు.