ఇకనుంచి రాజమౌళి వారణాసి?

రాజమౌళి, మహేశ్‌బాబుల ‘వారణాసి’ సినిమా టైటిల్‌ను ఇటీవల ఓ భారీ కార్యక్రమంలో ప్రకటించిన విషయం తెలిసిందే. అనాటి నుంచి ఈ టైటిల్‌పై పరిశ్రమలో వివాదం మొదలైంది.

రాజమౌళి, మహేశ్‌బాబుల ‘వారణాసి’ సినిమా టైటిల్‌ను ఇటీవల ఓ భారీ కార్యక్రమంలో ప్రకటించిన విషయం తెలిసిందే. అనాటి నుంచి ఈ టైటిల్‌పై పరిశ్రమలో వివాదం మొదలైంది. దానికి కారణం అదే పేరుతో మరొకరు అప్పటికే ఆ టైటిల్‌ని రిజిస్టర్‌ చేసి ఉండటమే. ‘వారణాసి’ అంటూ రాజమౌళి సినిమా టైటిల్‌ గ్లింప్స్‌, పోస్టర్‌ విడుదల కాగానే, సరిగ్గా అదే సమయంలో అప్పటికే ఆ టైటిల్‌ హక్కుదారులైన మరో సినిమా మేకర్స్‌ ‘వారణాసి’ టైటిల్‌తో తమ సినిమా పోస్టర్‌ని విడుదల చేశారు. దీంతో ఈ సమస్యను ఓ కొలిక్కి తెచ్చేందుకు పరిశ్రమలో పలు ప్రయత్నాలు జరిగాయి.

సదరు సినీ మేకర్స్‌తో చర్చలు కూడా జరిపారని వినికిడి. చివరకు.. మహేశ్‌, రాజమౌళి సినిమా టైటిల్‌నే మార్చాల్సొచ్చిందని టాక్‌. ఈ సినిమాకు ‘రాజమౌళి వారణాసి’ అనే టైటిల్‌ను ఫిక్స్‌ చేసినట్టు ఫిల్మ్‌ వర్గాల సమాచారం. దుర్గా ఆర్ట్స్‌ పతాకంపై కె.ఎల్‌.నారాయణ నిర్మిస్తున్న ఈ చిత్రంలో ప్రియాంకచోప్రా కథానాయికగా నటిస్తున్న విషయం తెలిసిందే. పృధ్వీరాజ్‌ సుకుమార్‌ ప్రతినాయకుడు పాత్ర పోషిస్తున్న ఈ చిత్రానికి సంగీతం: ఎం.ఎం.కీరవాణి.