Rocketry: The Nambi Effect | విలక్షణ నటుడు ఆర్ మాధవన్ (Madhavan) స్వీయ దర్శకత్వంలో నటించిన సినిమా ‘రాకెట్రీ: ది నంబి ఎఫెక్ట్’ (Rocketry: The Nambi Effect). జులై 1న థియేటర్స్లో విడుదలైన ఈ చిత్రం మంచి విజయాన్ని నమోదు చేసుకుంది. తాజాగా ఈ మూవీ ఉత్తమ చిత్రంగా జాతీయ అవార్డును గెలుచుకుంది. ఇక ఈ మూవీ జాతీయ అవార్డును గెలుచుకోవడం పట్ల సినీ, రాజకీయ ప్రముఖులు శుభాకాంక్షలు తెలుపుతున్నారు. ఇక తాజాగా ఈ సినిమాపై ప్రముఖ సంగీత దర్శకుడు, ఆస్కార్ అవార్డు గ్రహీత ఏ.ఆర్ రెహమాన్ స్పందించారు.
”అభినందనలు మాధవన్. కేన్స్లో ‘రాకెట్రీ: ది నంబి ఎఫెక్ట్’ సినిమా చూసినప్పుడు ఫీల్ అయిన క్షణాలు నాకు ఇంకా గుర్తున్నాయి. ఇప్పుడు ఖచ్చింతంగా ఒప్పుకోవాలి.. నాకు ఓపెన్హైమర్ కంటే మీ సినిమా బాగా నచ్చింది అంటూ రెహమాన్ ఎక్స్లో రాసుకోచ్చాడు.
Congrats Madhavan 🚀….I still remember the impact of your movie watching at Cannes ….have to confess now (great timing🥸)… I liked yours better than #Oppenheimer https://t.co/aGJQsK3u87
— A.R.Rahman (@arrahman) August 25, 2023
కాగా దీనిపై తాజాగా మాధవన్ స్పందిస్తూ.. ఓహ్ మై గాడ్ సార్ మీరు ఎల్లప్పుడూ నాకు ఇన్స్పిరేషన్ కానీ ఈ రోజు నేను ఎక్కువ మాట్లాడలేను. నేను చేయగలిగినదాని కంటే ఎక్కువ మోటివేషన్ పొందాను. మీరు గొప్పతనానికి నిర్వచనం లాంటి వారు. ఒక టీంగా మాకు ఇది ఎంత ముఖ్యమైన విషయమో మీకు వివరించలేము. దేవుడు మిమ్మల్ని దీవించాలి. అంటూ మాధవన్ రిప్లయ్ ఇచ్చాడు.
Oh my God sir you’re always been one of the greatest inspiration for me but today I am speechless and most importantly motivated way beyond what I thought I was capable of . You are incredible sir in every sense of the word and we at Team Rocketry cannot begin to tell you what… https://t.co/ifqQH67MQN
— Ranganathan Madhavan (@ActorMadhavan) August 26, 2023
ఇక ఈ చిత్రాన్ని ఇస్రో మాజీ సైంటిస్ట్ యస్. నంబినారాయణ్ జీవిత కథ ఆధారంగా తెరకెక్కించారు. ఆర్.మాధవన్ కీలక పాత్రను పోషించడంతో పాటు దర్శకత్వ బాధ్యతలను కూడా నిర్వర్తించాడు. ఇస్రో శాస్త్రవేత్త అయిన నంబినారాయణ్ గూఢచర్యం ఆరోపణలను ఎదుర్కొంటారు. ఈ నేపథ్యంలో నిరపరాధిగా బయటపడటానికి ఆయన చేసిన ప్రయత్నాలేమిటన్నదే ఈ చిత్ర ఇతివృత్తం. నంబి నారాయణ్ అరెస్ట్ మొదలుకొని ఆయన నిర్దోషిగా విడుదలయ్యే క్రమాన్ని ఈ సినిమాలో ఉత్కంఠభరితంగా చూపించారు. విక్రమ్ సారాబాయ్, సతీష్ధావన్ వంటి ప్రముఖ శాస్త్రవేత్తలతో కలిసి నంబి నారాయణ్ అంతరిక్ష పరిశోధనకు అవసరమైన శాస్త్ర సాంకేతికతను ఎలా సంపాదించారో ఈ సినిమాలో ఆసక్తిరంగా దృశ్యమానం చేశారు. ఇక మాధవన్ టేకింగ్, యాక్టింగ్పై విమర్శకులు సైతం ప్రశంసల జల్లు కురిపించారు. దాదాపు రూ.25 కోట్ల బడ్జెట్తో తెరకెక్కిన ఈ చిత్రం రూ. 40 కోట్ల వసూళ్లను సాధించి రికార్డు సృష్టించింది.