Visit:
Tharun Bhascker | తరుణ్ భాస్కర్, ఈషా రెబ్బా ప్రధాన పాత్రల్లో నటించిన ‘ఓం శాంతి శాంతి శాంతిః’ సినిమా విడుదల వాయిదా పడింది. మలయాళ సూపర్ హిట్ చిత్రం ‘జయ జయ జయ జయ హే’కు అధికారిక రీమేక్గా వస్తున్న ఈ చిత్రంపై ప్రేక్షకుల్లో ఇప్పటికే భారీ అంచనాలు ఉన్నాయి. అయితే ముందుగా ప్రకటించిన షెడ్యూల్ ప్రకారం ఈ సినిమా జనవరి 23న విడుదల కావాల్సి ఉండగా కొన్ని అనివార్య కారణాల వల్ల దీనిని వాయిదా వేస్తున్నట్లు చిత్ర బృందం వెల్లడించింది. దీంతో ఈ సినిమాను జనవరి 30న ప్రేక్షకుల ముందుకు తీసుకురాబోతున్నట్లు చిత్రబృందం ప్రకటించింది. ఈ కొత్త విడుదల తేదీని తరుణ్ భాస్కర్, ఈషా రెబ్బా ఒక ప్రత్యేకమైన ఫన్నీ వీడియో ద్వారా అధికారికంగా ధృవీకరించారు.
గోదావరి జిల్లాల నేపథ్యంలో భార్యాభర్తల మధ్య జరిగే వినోదాత్మక గొడవలు, భావోద్వేగాల చుట్టూ ఈ చిత్ర కథ తిరుగుతుంది. ఇందులో తరుణ్ భాస్కర్ ‘అంబటి ఓంకార్ నాయుడు’గా, ఈషా రెబ్బా ‘ప్రశాంతి’గా అలరించనున్నారు. ఈ సినిమా ద్వారా ఏఆర్ సజీవ్ దర్శకుడిగా పరిచయమవుతుండగా, బ్రహ్మాజీ మరియు రోహిణి ఇతర కీలక పాత్రల్లో నటించారు. ఇప్పటికే విడుదలైన టీజర్కు అద్భుతమైన స్పందన లభించడంతో, గోదావరి స్లాంగ్లో సాగే ఈ వినోదాత్మక చిత్రం బాక్సాఫీస్ వద్ద మంచి విజయం సాధిస్తుందని చిత్ర యూనిట్ ధీమా వ్యక్తం చేస్తోంది.
Yevandoii!!! January 30 ki Muhurtham fixxx! ❤️🔥
Omkar and Shanti vachestunnaru 😍#OmShantiShantiShantihi In theatres from 30th January ✨️ #OSSS #OSSSonJan30th#TharunBhascker @yourseesha @ActorBrahmaji @ARSajeev2794 @jaymkrish @srujanyarabolu1@adityapittie@Soriginals1… pic.twitter.com/BzOc6XwpU5— Ramesh Bala (@rameshlaus) January 21, 2026
