సెప్టెంబర్‌ 8న తెలంగాణ ఫిల్మ్‌ఛాంబర్‌ ఎన్నికలు

తెలంగాణ ఫిల్మ్‌ ఛాంబర్‌ కార్యవర్గం రెండేళ్ల పదవీకాలం పూర్తయినందున, సెప్టెంబర్‌ 8న నూతన కార్యవర్గాన్ని ఎన్నుకోడానికి ఎన్నికలు నిర్వహించాలని ఛాంబర్‌ సభ్యులు నిర్ణయించారు.

తెలంగాణ ఫిల్మ్‌ ఛాంబర్‌ కార్యవర్గం రెండేళ్ల పదవీకాలం పూర్తయినందున, సెప్టెంబర్‌ 8న నూతన కార్యవర్గాన్ని ఎన్నుకోడానికి ఎన్నికలు నిర్వహించాలని ఛాంబర్‌ సభ్యులు నిర్ణయించారు. ఈ సందర్భంగా తెలంగాణ ఫిల్మ్‌ఛాంబర్‌ అధ్యక్షుడు ప్రతాని రామకృష్ణగౌడ్‌ మాట్లాడుతూ ‘తెలంగాణ ఫిల్మ్‌ఛాంబర్‌ స్థాపించి 14ఏడ్లయింది.

వెయ్యిమంది నిర్మాతలతోపాటు 24 శాఖలకు చెందిన 16వేలమంది ఈ ఛాంబర్‌లో సభ్యులుగా ఉన్నారు. ఇప్పటికే సభ్యులందరికీ ఇన్సూరెన్స్‌, సభ్యుల పిల్లలకు స్కాలర్‌షిప్‌లు అందిస్తున్నాం. సభ్యుల సంక్షేమమే ధ్యేయంగా ముందుకెళ్తున్నాం. ప్రస్తుతం ఉన్న ఛాంబర్‌ పాలకవర్గ పదవీకాలం పూర్తయింది.

కావున ఎన్నికలకు వెళ్తున్నాం. సెప్టెంబర్‌ 1 నుంచి నామినేషన్ల ప్రక్రియ మొదలవుతుంది. సెప్టెంబర్‌ 8న ఎన్నికలు నిర్వహిస్తాం. సభ్యులందరూ తప్పకుండా తమ ఓటు హక్కు వినియోగించుకోవాలి.’ అని కోరారు.