తమిళనాడులో తగ్గనున్న టికెట్‌ రేట్లు

తమిళనాడులో సినిమా టికెట్‌ రేట్లు తగ్గనున్నాయి. అక్కడి లోకల్‌బాడీ ఎంటర్‌టైన్‌మెంట్‌ ట్యాక్స్‌ను తగ్గించడమే ఇందుక్కారణం. ప్రస్తుతం 8.6 శాతం ఉన్న వినోదపు పన్నును 4 శాతానికి తగ్గిస్తూ తమిళనాడు ప్రభుత్వం ఉత్తర్వులు జారీ చేసింది.ఈ నిర్ణయం వెంటనే అమలులోకి వస్తుందని ప్రభుత్వం స్పష్టం చేసింది.

తమిళనాడులో సినిమా టికెట్‌ రేట్లు తగ్గనున్నాయి. అక్కడి లోకల్‌బాడీ ఎంటర్‌టైన్‌మెంట్‌ ట్యాక్స్‌ను తగ్గించడమే ఇందుక్కారణం. ప్రస్తుతం 8.6 శాతం ఉన్న వినోదపు పన్నును 4 శాతానికి తగ్గిస్తూ తమిళనాడు ప్రభుత్వం ఉత్తర్వులు జారీ చేసింది.ఈ నిర్ణయం వెంటనే అమలులోకి వస్తుందని ప్రభుత్వం స్పష్టం చేసింది. ఈ నేపథ్యంలో ఈ నెల 5న విడుదలకాబోతున్న కమల్‌హాసన్‌ ‘థగ్‌లైఫ్‌’ చిత్రానికి టికెట్‌ రేట్లు తగ్గబోతున్నాయి. ఎంటర్‌టైన్‌మెంట్‌ ట్యాక్స్‌ను తగ్గించడం గొప్ప నిర్ణయమని, సామాన్యులకు సిని మా మరింత చేరువవుతుందని ఫిల్మ్‌ ఫెడరేషన్‌ ఆఫ్‌ సౌత్‌ ఇండియా తమిళనాడు ఓ ప్రకటనలో తమిళనాడు సీఎం స్టాలిన్‌కు కృతజ్ఞతలు తెలియజేసింది.

కొద్ది రోజుల క్రితమే ఎంటర్‌టైన్‌మెంట్‌ ట్యాక్స్‌ను తగ్గించాలని కమల్‌హాసన్‌ ప్రభుత్వానికి విజ్ఞప్తి చేశారు. కోవిడ్‌ తర్వాత ఇండస్ట్రీ ఆర్థికంగా సతమతమవుతున్న దృ ష్ట్యా పరిశ్రమను ఆదుకోవాలని కమల్‌ ప్రభుత్వాన్ని కోరారు. ఈ నేపథ్యంలో తమిళనాడు ప్రభు త్వం వినోదపు పన్నును తగ్గిస్తూ నిర్ణయం తీసుకుంది. ఈ నిర్ణ యం థియేటర్లలో ఆక్యుపెన్సీని పెంచడానికి దోహదపడుతుందని, తద్వారా పరిశ్రమకు మేలు జరుగుతుందని ట్రేడ్‌ వర్గాలు అభిప్రాయపడుతున్నాయి.