Yash’s Toxic | ఇరాన్-అమెరికా ఎఫెక్ట్.. యష్ ‘టాక్సిక్’ వాయిదా! కొత్త రిలీజ్ డేట్ ఇదే

Yash's Toxic | క‌న్న‌డ న‌టుడు రాకింగ్ స్టార్ యష్ అభిమానులు ఎంతగానో ఎదురుచూస్తున్న పాన్-ఇండియా చిత్రం 'టాక్సిక్' (Toxic) విడుదల వాయిదా పడింది.

Yash’s Toxic | క‌న్న‌డ న‌టుడు రాకింగ్ స్టార్ యష్ అభిమానులు ఎంతగానో ఎదురుచూస్తున్న పాన్-ఇండియా చిత్రం ‘టాక్సిక్’ (Toxic) విడుదల వాయిదా పడింది. ముందుగా ప్రకటించిన ప్రకారం ఈ చిత్రం మార్చి 19, 2026న విడుదల కావాల్సి ఉండ‌గా.. ప్రస్తుతం మధ్య ప్రాచ్య (Middle East) దేశాల్లో నెలకొన్న ఉద్రిక్తతలు కారణంగా మేకర్స్ ఈ నిర్ణయం తీసుకున్నారు. ముఖ్యంగా ఇరాన్‌పై అమెరికా-ఇజ్రాయెల్ దాడుల నేపథ్యంలో నెలకొన్న ఉద్రిక్త పరిస్థితుల వల్ల అక్కడ సినిమా థియేటర్ల కార్యకలాపాలకు ఆటంకం కలిగే అవకాశం ఉంది. దీంతో గల్ఫ్ దేశాలు భారతీయ సినిమాలకు అతిపెద్ద మార్కెట్ కాబట్టి, ఆ ప్రభావం కలెక్షన్లపై పడకూడదని చిత్ర బృందం భావించిన‌ట్లు తెలుస్తుంది. దీంతో తాజాగా కొత్త విడుద‌ల తేదీని చిత్ర‌బృందం ప్ర‌క‌టించింది. ఈ సినిమాను జూన్ 04న విడుద‌ల చేయ‌బోతున్న‌ట్లు చిత్ర‌బృందం అధికారికంగా ప్ర‌క‌టించింది.

Toxic : A Fairy Tale for Grown-Ups – in Cinemas Worldwide on 4 June 2026 pic.twitter.com/TlLgyzrKsF

— Yash (@TheNameIsYash) March 4, 2026