Visit:
Pavala Shyamala | తెలుగు చలనచిత్ర పరిశ్రమలో తనదైన నటనతో ప్రేక్షకులను అలరించిన సీనియర్ క్యారెక్టర్ ఆర్టిస్ట్ పావలా శ్యామల ప్రస్తుత దీనస్థితిని ఎదుర్కోంటున్న విషయం తెలిసిందే. గత కొంతకాలంగా వృద్ధాప్య సమస్యలు, తీవ్ర అనారోగ్యం మరియు ఆర్థిక ఇబ్బందులతో సతమతమవుతున్న ఆమె, ప్రస్తుతం తన కుమార్తెతో కలిసి సికిందరాబాద్ కార్ఖానా ప్రాంతంలోని ఆర్కే ఫౌండేషన్లో ఆశ్రయం పొందుతున్నారు. అయితే వీరిద్దరి ఆరోగ్య పరిస్థితి విషమంగా ఉందని, కనీస మందుల కొనుగోలుకు కూడా ఇబ్బందులు పడుతున్నారని తెలుసుకున్న అగ్ర కథానాయకుడు అల్లు అర్జున్, వెంటనే స్పందించి వారికి అండగా నిలిచేందుకు ముందుకు వచ్చాడు.
పావలా శ్యామల, ఆమెకూతురు నిత్యవసరాలు, వైద్య ఖర్చుల నిమిత్తం ప్రతి నెలా 10 వేల రూపాయల ఆర్థిక సాయం క్రమం తప్పకుండా అందేలా శాశ్వత ఏర్పాట్లు చేసి తన గొప్ప మనసును చాటుకున్నాడు. గతంలో చిరంజీవి వంటి పలువురు సినీ ప్రముఖులు ఆమెకు ఆర్థికంగా సాయం అందించినప్పటికీ, బన్నీ ఇప్పుడు ఒక బాధ్యతగా తీసుకుని ప్రతి నెలా ఫిక్స్డ్ అమౌంట్ పంపేలా నిర్ణయం తీసుకోవడం విశేషం. కష్టాల్లో ఉన్న తోటి కళాకారులను ఆదుకోవడంలో అల్లు అర్జున్ చూపిస్తున్న ఈ చొరవ పట్ల చిత్ర పరిశ్రమతో పాటు సామాన్య ప్రజల నుండి కూడా పెద్ద ఎత్తున ప్రశంసలు వెల్లువెత్తుతున్నాయి.
