ఓ సీన్‌లో నగ్నంగా కనిపిస్తా

నేను హీరోని కాదు. ఆర్టిస్టుని. ప్రతిభావంతుడైన నటుడిగా పేరుతెచ్చుకోవాలన్నదే నా తపన. నన్ను నేను కొత్త పంథాలో ఆవిష్కరించుకోవాలనుకుంటున్నా’ అన్నారు సత్యం రాజేష్‌.

‘నేను హీరోని కాదు. ఆర్టిస్టుని. ప్రతిభావంతుడైన నటుడిగా పేరుతెచ్చుకోవాలన్నదే నా తపన. నన్ను నేను కొత్త పంథాలో ఆవిష్కరించుకోవాలనుకుంటున్నా’ అన్నారు సత్యం రాజేష్‌. ఆయన ప్రధాన పాత్రలో డా॥ అనిల్‌ విశ్వనాథ్‌ దర్శకత్వంలో తెరకెక్కిన ‘మా ఊరు పొలిమేర-2’ చిత్రం నేడు ప్రేక్షకుల ముందుకురానుంది. ఈ సందర్భంగా సత్యం రాజేష్‌ పాత్రికేయులతో ముచ్చటిస్తూ ‘తొలిభాగానికి అద్భుతమైన స్పందన రావడంతో సీక్వెల్‌ విషయంలో నిర్మాతలు ఖర్చుకు ఎక్కడా వెనకాడలేదు. చక్కటి నాణ్యతతో తెరకెక్కించారు. ఈ సినిమాలో షాకింగ్‌ ట్విస్ట్‌లుంటాయి. మొదటి పార్ట్‌ చూడకపోయినా ఈ సినిమాను ఎంజాయ్‌ చేస్తారు. స్వతహాగా నేను చేతబడుల వంటి వాటిని నమ్మను. అయితే ఫారెస్ట్‌లో షూటింగ్‌ సందర్భంగా శ్మశానంలో చేతబడుల సన్నివేశాలను షూట్‌ చేస్తున్నప్పుడు మాత్రం ఎందుకో కాస్త భయం అనిపించింది. ఈ సినిమాలో కథ డిమాండ్‌ మేరకు ఓ సన్నివేశంలో నగ్నంగా కనిపిస్తాను. నటుడిగా ఇరవైఏండ్ల కెరీర్‌ను పూర్తి చేసుకున్నా. కామెడీతో పాటు నటుడిగా నన్ను నేను ప్రూవ్‌ చేసుకునేందుకు విభిన్న పాత్రలు చేయాలనుకుంటున్నా. ‘మా ఊరు పొలిమేర-2’ నా కెరీర్‌లోనే ప్రత్యేకంగా నిలిచిపోయే చిత్రమవుతుంది. ప్రస్తుతం ‘టెనెంట్‌’ అనే సినిమాలో లీడ్‌ రోల్‌ చేస్తున్నా’ అని చెప్పారు.