తండ్రీకూతుళ్ల కథగా ఇరుముడి?

హీరో రవితేజ ప్రస్తుతం వరుస సినిమాలతో బిజీగా ఉన్నారు. ఆయన తాజా చిత్రం ‘భర్త మహాశయులకు విజ్ఞప్తి’ సంక్రాంతి బరిలో విడుదలకు సిద్ధమవుతున్నది. ఇదిలావుండగా శివ నిర్వాణ దర్శకత్వంలో రవితేజ ఓ చిత్రంలో నటిస్తున్న విషయం తెలిసిందే. అగ్ర నిర్మాణ సంస్థ మైత్రీ మూవీ మేకర్స్‌ నిర్మిస్తున్నది.

హీరో రవితేజ ప్రస్తుతం వరుస సినిమాలతో బిజీగా ఉన్నారు. ఆయన తాజా చిత్రం ‘భర్త మహాశయులకు విజ్ఞప్తి’ సంక్రాంతి బరిలో విడుదలకు సిద్ధమవుతున్నది. ఇదిలావుండగా శివ నిర్వాణ దర్శకత్వంలో రవితేజ ఓ చిత్రంలో నటిస్తున్న విషయం తెలిసిందే. అగ్ర నిర్మాణ సంస్థ మైత్రీ మూవీ మేకర్స్‌ నిర్మిస్తున్నది. ప్రస్తుతం హైదరాబాద్‌లో షూటింగ్‌ జరుగుతున్నది. ప్రియా భవానీ శంకర్‌ కథానాయిక. ఈ చిత్రానికి ‘ఇరుముడి’ అనే టైటిల్‌ను పరిశీలిస్తున్నట్లు వార్తలొస్తున్నాయి.

తండ్రీకూతుళ్ల అనుబంధాన్ని ఆవిష్కరించే కథాంశమిదని, కూతురి రక్షణ కోసం ఎంతదూరమైనా వెళ్లే తండ్రిగా రవితేజ పాత్ర భావోద్వేగభరితంగా సాగుతుందని చెబుతున్నారు. థ్రిల్లర్‌ అండ్‌ డివోషనల్‌ ఎలిమెంట్స్‌ కలబోతగా ఈ చిత్రాన్ని రూపొందిస్తున్నట్లు సమాచారం. అయితే ఈ సినిమా టైటిల్‌పై వస్తున్న వార్తల్లో నిజమెంతో తెలియాలంటే చిత్ర బృందం నుంచి అధికారిక ప్రకటన రావాల్సిందే.