ముచ్చటగా మూడోసారి?

రవితేజ హీరోగా రూపొందిన ‘పవర్‌' సినిమాతో దర్శకుడిగా పరిచయమై కమర్షియల్‌ సినిమాలకు కేరాఫ్‌ అడ్రెస్‌గా నిలిచారు కె.ఎస్‌.రవీంద్ర(బాబీ).

రవితేజ హీరోగా రూపొందిన ‘పవర్‌’ సినిమాతో దర్శకుడిగా పరిచయమై కమర్షియల్‌ సినిమాలకు కేరాఫ్‌ అడ్రెస్‌గా నిలిచారు కె.ఎస్‌.రవీంద్ర(బాబీ). చిరంజీవితో ఆయన చేసిన ‘వాల్తేరు వీరయ్య’ భారీ విజయాన్ని నమోదు చేసింది. ప్రస్తుతం బాలకృష్ణతో సినిమా చేస్తూ బిజీగా ఉన్నారు బాబీ. ఈ సినిమాకు ‘వీరమాస్‌’ అనే టైటిల్‌ అనుకుంటున్నారు. ఇదిలావుంటే.. బాబీ చేయబోయే నెక్ట్స్‌ సినిమాకు సంబంధించిన అప్‌డేట్‌ వచ్చేసింది.

బాలయ్య సినిమా తర్వాత రవితేజతో చేయి కలుపనున్నారట బాబీ. పీపుల్‌మీడియా ఫ్యాక్టరీ ఈ సినిమా నిర్మించనున్నట్టు సమాచారం. ప్రస్తుతం ఈ సినిమాకు సంబంధించిన స్క్రిప్ట్‌ వర్క్‌ కూడా జరుగుతున్నదని తెలుస్తున్నది. రవితేజతో బాబీ చేసిన పవర్‌, వాల్తేరు వీరయ్య సినిమాలు రెండూ మంచి విజయాలను అందుకున్నాయి. మళ్లీ ఈ ఇద్దరు కలుస్తున్నది నిజమే అయితే.. హ్యాట్రిక్‌ పక్కా అని అభిమానులు అభిప్రాయపడుతున్నారు.