రణబాలి బలం జయమ్మ

అగ్రహీరో విజయ్‌ దేవరకొండ, రష్మిక మందన్నా జంటగా నటిస్తున్న పీరియాడిక్‌ యాక్షన్‌ ఎంటర్‌టైనర్‌ ‘రణబాలి’. 19వ శతాబ్దంలో జరిగిన యథార్థ చారిత్రక సంఘటనల ఆధారంగా తెరకెక్కుతున్న ఈ ప్రతిష్టాత్మక చిత్రానికి రాహుల్‌ సంకృత్యాన్‌ దర్శకుడు. మైత్రీ మూవీమేకర్స్‌ పతాకంపై నవీన్‌ యర్నేని, వై.రవిశంకర్‌ నిర్మిస్తున్నారు.

అగ్రహీరో విజయ్‌ దేవరకొండ, రష్మిక మందన్నా జంటగా నటిస్తున్న పీరియాడిక్‌ యాక్షన్‌ ఎంటర్‌టైనర్‌ ‘రణబాలి’. 19వ శతాబ్దంలో జరిగిన యథార్థ చారిత్రక సంఘటనల ఆధారంగా తెరకెక్కుతున్న ఈ ప్రతిష్టాత్మక చిత్రానికి రాహుల్‌ సంకృత్యాన్‌ దర్శకుడు. మైత్రీ మూవీమేకర్స్‌ పతాకంపై నవీన్‌ యర్నేని, వై.రవిశంకర్‌ నిర్మిస్తున్నారు. ఈ ఏడాది సెప్టెంబర్‌ 11న గ్రాండ్‌గా సినిమా విడుదల కానున్నది. ఆదివారం రష్మిక మందన్నా పుట్టినరోజు సందర్భంగా చిత్రబృందం బర్త్‌డే స్పెషల్‌ వీడియోను విడుదల చేసింది. ఈ వీడియోలో జయమ్మగా రష్మిక మారిన పరిణామక్రమాన్ని చూపించారు. ‘రణబాలి బలం జయమ్మ.. అతని సంతోషాలకు కారణం జయమ్మ’ అంటూ వీడియోలో పేర్కొనడం ఈ జంట మధ్య ఉన్న ప్రేమను తెలియజేస్తున్నది. ఇటీవలే ఈ సినిమా అనంతపూర్‌ షెడ్యూల్‌ని పూర్తి చేసుకున్న విషయం విదితమే.

మైసా ఆగ్రహం

ఇదిలావుంటే ఈ సందర్భంగానే రష్మిక ప్రధాన పాత్ర పోషిస్తున్న ఫీమేల్‌ సెంట్రిక్‌ యాక్షన్‌ ఎంటర్‌టైనర్‌ ‘మైసా’ నుంచి ఓ కొత్త పోస్టర్‌ని చిత్రబృందం విడుదల చేసింది. యుద్ధం చేసి, గాయాలతో అగ్రహంగా కనిపిస్తున్న రష్మికను ఈ పోస్టర్‌లో చూడొచ్చు. గోండ్‌ తెగల సాంస్కృతి నేపథ్యంలో రూపొందుతున్న సినిమా ఇదని, ఇందులో ఇప్పటివరకూ చూడని శక్తివంతమైన పాత్రలో రష్మికను చూస్తారని, ఎమోషన్‌, యాక్షన్‌ మేళవింపుగా పానిండియా స్థాయిలో భారీగా ఈ చిత్రం తెరకెక్కుతున్నదని మేకర్స్‌ తెలిపారు. రవీంద్ర పుల్లే దర్శకత్వం వహిస్తున్న ఈ చిత్రాన్ని అన్‌ఫార్ములా ఫిల్మ్స్‌ సంస్థ నిర్మిస్తున్నది.