‘జవాన్‌’ను మించి..

రణబీర్‌కపూర్‌, రష్మిక మందన్న జంటగా సందీప్‌ రెడ్డి వంగా దర్శకత్వంలో తెరకెక్కుతున్న ‘యానిమల్‌' చిత్రం పాన్‌ ఇండియా స్థాయిలో ఆసక్తిని రేకెత్తిస్తున్నది. హై ఓల్టెజ్‌ యాక్షన్‌ థ్రిల్లర్‌గా రూపొందిస్తున్నారు.

రణబీర్‌కపూర్‌, రష్మిక మందన్న జంటగా సందీప్‌ రెడ్డి వంగా దర్శకత్వంలో తెరకెక్కుతున్న ‘యానిమల్‌’ చిత్రం పాన్‌ ఇండియా స్థాయిలో ఆసక్తిని రేకెత్తిస్తున్నది. హై ఓల్టెజ్‌ యాక్షన్‌ థ్రిల్లర్‌గా రూపొందిస్తున్నారు. ఇప్పటికే రిలీజైన టీజర్‌, పాటలకు అద్భుతమైన ఆదరణ లభిస్తున్నది. డిసెంబర్‌ 1న ఈ చిత్రం ప్రేక్షకుల ముందుకురానుంది. తాజాగా ఈ చిత్రం ఓ అరుదైన రికార్డును సొంతం చేసుకుంది.

అమెరికాలో ఈ చిత్రాన్ని 888 స్క్రీన్స్‌లో విడుదల చేయబోతున్నారు. ఇప్పటివరకు యూస్‌లో విడుదలైన భారతీయ సినిమాల్లో అత్యధిక థియేటర్లను పొందబోతున్న చిత్రమిదేకావడం విశేషం. షారుఖ్‌ఖాన్‌ ‘జవాన్‌’ 810 థియేటర్లలో రిలీజ్‌ కాగా..‘యానిమల్‌’ ఆ రికార్డును అధిగమించడం విశేషం. అనిల్‌ కపూర్‌, బాబీ డియోల్‌ ప్రధాన పాత్రల్లో నటించిన ఈ చిత్రాన్ని భూషణ్‌ కుమార్‌, ప్రణయ్‌ రెడ్డి వంగా సంయుక్తంగా నిర్మిస్తున్నారు.