రామాయణలో ద్విపాత్రాభినయం

రణ్‌బీర్‌ కపూర్‌, సాయిపల్లవి సీతారాములుగా, నితీశ్‌ తివారీ దర్శకత్వంలో తెరకెక్కుతున్న చిత్రం ‘రామాయణ’. ఇటీవల విడుదలైన టీజర్‌కి అభినందనలు వెల్లువెత్తుతున్నాయి.

రణ్‌బీర్‌ కపూర్‌, సాయిపల్లవి సీతారాములుగా, నితీశ్‌ తివారీ దర్శకత్వంలో తెరకెక్కుతున్న చిత్రం ‘రామాయణ’. ఇటీవల విడుదలైన టీజర్‌కి అభినందనలు వెల్లువెత్తుతున్నాయి. ఇదిలావుంటే.. ఈ ప్రాజెక్ట్‌ గురించి రణ్‌బీర్‌ వెల్లడించిన తాజా అప్‌డేట్‌ హాట్‌ టాపిక్‌గా మారింది. ‘రామాయణ’లో ఆయన ద్విపాత్రాభినయం చేస్తున్నారట. ఈ విషయం గురించి రణ్‌బీర్‌ స్వయంగా మాట్లాడుతూ ‘శ్రీమహావిష్ణువు 6వ అవతారం భార్గవరాముడు. 7వ అవతారం రఘురాముడు. ఇందులో నేను రఘురాముడి పాత్రతో పాటు భార్గవ రాముడిగా కనిపించనున్నాను. ఈ సినిమాకు సైన్‌ చేసిన తర్వాత సంవత్సరం పాటు ఈ రెండు పాత్రల గురించి అధ్యయనం చేశాను. ఆ పాత్రల వెనకున్న ఆధ్యాత్మికతనూ, భావోద్వేగాలనూ లోతుగా అర్థం చేసుకున్నాను. నా పూర్వజన్మ సుకృతం వల్ల లభించిన పాత్రలు ఈ రెండూ’ అంటూ భావోద్వేగానికి లోనయ్యారు రణబీర్‌కపూర్‌.