RC16 | త్వ‌ర‌లో మ‌నం సెట్స్‌లో క‌లుద్దాం.. బుచ్చిబాబుకు చ‌ర‌ణ్ విషెస్

Ram charan | ఆర్ఆర్ఆర్ విజ‌యంతో మెగా ప‌వ‌ర్ స్టార్ రాంచ‌ర‌ణ్ దూసుకుపోతున్నాడు. ప్ర‌స్తుతం కొలీవుడ్ స్టార్ డైరెక్ట‌ర్ శంక‌ర్ ద‌ర్శ‌క‌త్వంలో చ‌ర‌ణ్ ఆర్‌సీ15 అనే సినిమా చేస్తున్నాడు.

ఆర్ఆర్ఆర్ విజ‌యంతో మెగా ప‌వ‌ర్ స్టార్ రాంచ‌ర‌ణ్ దూసుకుపోతున్నాడు. ప్ర‌స్తుతం కొలీవుడ్ స్టార్ డైరెక్ట‌ర్ శంక‌ర్ ద‌ర్శ‌క‌త్వంలో చ‌ర‌ణ్ ఆర్‌సీ15 అనే సినిమా చేస్తున్న సంగ‌తి తెలిసిందే. చెర్రీ స‌ర‌స‌న కియారా అద్వానీ న‌టిస్తుండ‌గా.. ఈ సినిమా షూటింగ్ శ‌ర‌వేగంగా జ‌రుపుకుంటుంది. ఈ సినిమా అనంత‌రం ఉప్పెన ఫేం బుచ్చిబాబు స‌నతో రాంచ‌ర‌ణ్ సినిమా చేయ‌నున్నాడు. దీనిపై ఇప్ప‌టికే అధికారిక ప్ర‌క‌ట‌న వెలుబ‌డ‌గా.. ఈ సినిమాకు సంబంధించిన ప్రీ ప్రొడక్షన్ పనులు జ‌రుగుతున్నాయి.

నేడు బుచ్చిబాబు స‌న పూట్టినరోజు. ఈ సంద‌ర్భంగా రామ్ చ‌ర‌ణ్ ట్విట్ట‌ర్ వేదిక‌గా పుట్టిన రోజు శుభాకాంక్ష‌లు తెలిపారు. ”నా అభిమాన ద‌ర్శ‌కుల్లో ఒక‌రైన బుచ్చిబాబుకి జ‌న్మ‌దిన శుభాకాంక్ష‌లు. మీకు ఈ సంవ‌త్స‌రం సంతోషంగా, ఆరోగ్యంగా ఉండాల‌ని కోరుకుంటున్నా, త్వ‌ర‌లో మ‌నం సెట్స్‌లో క‌లుద్దాం అని” చ‌ర‌ణ్ ట్విట్ట‌ర్‌లో రాసుకొచ్చారు. దీంతో ఈ పోస్టు వైర‌ల్‌గా మారింది.

రాంచరణ్, బుచ్చిబాబు దర్శకత్వంలో వ‌స్తున్న సినిమాలో బాలీవుడ్ ముద్దుగుమ్మ జాన్వీ కపూర్ నటించనున్నట్లు ఊహాగానాలు వినిపిస్తున్నాయి. చాలా కాలంగా తను తెలుగులో సినిమాలు చేయాలనుకుంటోంది. అయితే, కొన్ని అవకాశాలు వచ్చినా పలు కారణాలతో వాటిని చేయలేదు. దీంతో ఈ మూవీతో అయిన తెలుగులో ఎంట్రీ ఇవ్వాలని జాన్వీ ఎదురుచూస్తుంది.

Happiest birthday to one of my fondest directors @BuchiBabuSana !!
Wishing an incredibly happy and healthy year ahead.

See you on sets soon!❤️ pic.twitter.com/ZuWTLa3fRZ

— Ram Charan (@AlwaysRamCharan) February 15, 2023