దుల్కర్‌కు జోడీగా?

బుట్టబొమ్మ పూజా హెగ్డేకు హిట్‌ అనేది పలకరించి దాదాపు అయిదేళ్లు కావస్తుంది. ‘అల వైకుంఠపురం’ తర్వాత ఆమెకు హిట్‌ లేదు. కానీ అవకాశాలు మాత్రం తలుపు తడుతూనే ఉన్నాయి. పూజా హెగ్డే అందమే అందుకు కారణం కావొచ్చు.

బుట్టబొమ్మ పూజా హెగ్డేకు హిట్‌ అనేది పలకరించి దాదాపు అయిదేళ్లు కావస్తుంది. ‘అల వైకుంఠపురం’ తర్వాత ఆమెకు హిట్‌ లేదు. కానీ అవకాశాలు మాత్రం తలుపు తడుతూనే ఉన్నాయి. పూజా హెగ్డే అందమే అందుకు కారణం కావొచ్చు. ప్రస్తుతం ఈ ముద్దుగుమ్మ తమిళ అగ్ర నటుడు విజయ్‌ చివరి చిత్రం ‘జననాయగన్‌’లో హీరోయిన్‌గా నటిస్తున్నది. అలాగే లారెన్స్‌ స్వీయ దర్శకత్వంలో నటిస్తున్న ‘కాంచన 4’ లోనూ ఈ బుట్టబొమ్మే కథానాయిక.

రీసెంట్‌గా సూపర్‌స్టార్‌ రజనీకాంత్‌ ‘కూలీ’ సినిమా స్పెషల్‌ సాంగ్‌లో కూడా పూజా నర్తించిన విషయం తెలిసిందే. తాజా సమాచారం ప్రకారం ఈ అందాలభామను మరో అద్భుత అవకాశం వరించిందట. దుల్కర్‌ సల్మాన్‌ తెలుగులో ఓ ప్రేమకథా చిత్రంలో నటిస్తున్నారు. నూతన దర్శకుడు హరి దర్శకుడిగా పరిచయం అవుతున్న ఈ సినిమాలో పూజా హెగ్డే కథానాయికగా ఎంపికైనట్టు తెలుస్తున్నది. అదే నిజమైతే.. పూజా రొట్టె విరిగి నేతిలో పడ్డట్టే.