Peddi | భోపాల్లో ‘పెద్ది కీ ఆవాజ్’ గ్రాండ్ సక్సెస్.. రామ్ చరణ్-జాన్వీ సందడితో అభిమానుల్లో జోష్!
Peddi | మెగా పవర్ స్టార్ రామ్ చరణ్, బాలీవుడ్ బ్యూటీ జాన్వీ కపూర్ జంటగా నటిస్తున్న తాజా చిత్రం ‘పెద్ది’ ఇప్పటికే భారీ అంచనాలను సృష్టిస్తోంది. దర్శకుడు బుచ్చిబాబు తెరకెక్కిస్తున్న ఈ స్పోర్ట్స్ యాక్షన్ డ్రామా ప్రేక్షకుల్లో ఆసక్తిని పెంచుతోంది. వృద్ధి సినిమాస్ బ్యానర్పై అత్యంత ప్రతిష్టాత్మకంగా రూపొందుతున్న ఈ చిత్రం జూన్ 4న ప్రపంచవ్యాప్తంగా విడుదలకు సిద్ధమవుతోంది.
Peddi | మెగా పవర్ స్టార్ రామ్ చరణ్, బాలీవుడ్ బ్యూటీ జాన్వీ కపూర్ జంటగా నటిస్తున్న తాజా చిత్రం ‘పెద్ది’ ఇప్పటికే భారీ అంచనాలను సృష్టిస్తోంది. దర్శకుడు బుచ్చిబాబు తెరకెక్కిస్తున్న ఈ స్పోర్ట్స్ యాక్షన్ డ్రామా ప్రేక్షకుల్లో ఆసక్తిని పెంచుతోంది. వృద్ధి సినిమాస్ బ్యానర్పై అత్యంత ప్రతిష్టాత్మకంగా రూపొందుతున్న ఈ చిత్రం జూన్ 4న ప్రపంచవ్యాప్తంగా విడుదలకు సిద్ధమవుతోంది. సినిమా విడుదల సమయం దగ్గరపడుతున్న నేపథ్యంలో మేకర్స్ ప్రమోషన్ల వేగాన్ని పెంచారు. అందులో భాగంగా మధ్యప్రదేశ్లోని భోపాల్లో ‘పెద్ది కీ ఆవాజ్’ పేరుతో నిర్వహించిన ప్రత్యేక ఈవెంట్ అభిమానులను ఆకట్టుకుంది. భారీ సంఖ్యలో అభిమానులు హాజరైన ఈ కార్యక్రమం ఉత్సాహభరిత వాతావరణంలో జరిగింది.
ఈ కార్యక్రమానికి హీరో రామ్ చరణ్, హీరోయిన్ జాన్వీ కపూర్తో పాటు సంగీత మాంత్రికుడు ఏఆర్ రెహమాన్, నటుడు దివ్యేందు శర్మ హాజరయ్యారు. స్టేజ్పై వీరి సందడి ఈవెంట్కు ప్రత్యేక ఆకర్షణగా నిలిచింది. అభిమానుల కేరింతల మధ్య రామ్ చరణ్ ఎంట్రీ ఇవ్వడంతో కార్యక్రమం మరింత ఉత్సాహంగా మారింది. చరణ్ తన స్టైలిష్ లుక్తో అభిమానులను ఆకట్టుకోగా, జాన్వీ కపూర్ తన అందం, చిరునవ్వులతో అందరి దృష్టిని తనవైపు తిప్పుకుంది.సినిమాకు సంగీతం అందిస్తున్న ఏఆర్ రెహమాన్ కూడా ఈ కార్యక్రమంలో పాల్గొనడం విశేషంగా మారింది. తన సంగీత ప్రయాణం గురించి మాట్లాడిన ఆయన, ‘పెద్ది’ కోసం ప్రత్యేకంగా పని చేసినట్లు వెల్లడించినట్లు సమాచారం. సినిమా సంగీతం కూడా కథలో కీలక భాగంగా నిలుస్తుందని అభిమానులు భావిస్తున్నారు.
ఈ ఈవెంట్లో చిత్రబృందం సినిమా గురించి ఆసక్తికర విషయాలను పంచుకున్నట్లు తెలుస్తోంది. స్పోర్ట్స్ బ్యాక్డ్రాప్తో పాటు భావోద్వేగాలు, యాక్షన్, గ్రామీణ వాతావరణం కలగలిపిన కథతో ‘పెద్ది’ ప్రేక్షకులను ఆకట్టుకోబోతుందని టాక్ వినిపిస్తోంది. ఇక భోపాల్ ఈవెంట్కు సంబంధించిన ఫొటోలు, వీడియోలు ప్రస్తుతం సోషల్ మీడియాలో వైరల్ అవుతున్నాయి. ముఖ్యంగా రామ్ చరణ్ – జాన్వీ కపూర్ కలిసి కనిపించిన పిక్స్ అభిమానుల నుంచి భారీ స్పందన అందుకుంటున్నాయి. ఈ పోస్టులను అభిమానులు విపరీతంగా షేర్ చేస్తూ సినిమాపై హైప్ను మరింత పెంచుతున్నారు. ‘పెద్ది’ విడుదలకు ఇంకా కొద్ది రోజులు మాత్రమే ఉండటంతో, ఈ సినిమా బాక్సాఫీస్ వద్ద ఎలాంటి సంచలనాలు సృష్టిస్తుందో చూడాల్సి ఉంది.
Read Today's Latest Cinema News in Telugu and Telugu News
- Tags
- ar rahman
- Bhopal
- buchi babu
- event
RELATED ARTICLES
తాజా వార్తలు
Patnam Narender Reddy | అసమర్ధతను కప్పిపుచ్చుకునేందుకే కేసీఆర్ కుటుంబంపై తిట్ల రాజకీయాలు : మాజీ ఎమ్మెల్యే పట్నం నరేందర్ రెడ్డి
‘‘ప్రజా గర్జన – ఛలో హైదరాబాద్’ ని జయప్రదదం చేయండి’
‘ఆదివాసీ యువకుడు తెల్లం శరత్ మృతి ఘటనపై సమగ్ర విచారణ జరపాలి’
ACB Net | రూ.30 వేలు లంచం తీసుకుంటూ ఏసీబీకి పట్టుబడ్డ వార్డు ఆఫీసర్
‘పున్న కైలాష్ బహిరంగ క్షమాపణ చెప్పాలి’
ట్రెండింగ్ వార్తలు
Vande Bharat Train | బంధువులను సాగనంపేందుకు వందే భారత్ రైలు ఎక్కిన 12 మంది.. తర్వాత ఏం జరిగిందంటే?
Watch: హాస్పిటల్ యజమానిని బెదిరించి రూ.10 లక్షలు వసూలు.. కాంగ్రెస్ నేత అరెస్ట్, పార్టీ నుంచి బహిష్కరణ
Watch: ‘బ్యాగ్లో గంజాయి పెడతా.. డ్రగ్స్ కేసులో ఇరికిస్తా’.. జంటను బెదిరించిన పోలీస్ అధికారి
Migratory birds | చిలికా సరస్సుకు ప్రత్యేక అతిథులు.. ఏకంగా 80 జాతుల వలసపక్షుల సందడి.. Video
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా

