Visit:
Parineeti-Raghav Chadha | బాలీవుడ్‌ నటి పరిణీతి చోప్రా (Parineeti Chopra), ఆమ్‌ ఆద్మీ పార్టీ ఎంపీ (AAP MP) రాఘవ్ చద్దా (Raghav Chadha) ఇంట పెళ్లి వేడుకలు మొదలయ్యాయి. ఈ నెల 23, 24 తేదీల్లో వీరి వివాహం జరగనున్నట్లు ఇప్పటికే వార్తలు వచ్చిన విషయం తెలిసిందే. ఈ నేపథ్యంలో పెళ్లికి మరో నాలుగురోజులు మాత్రమే సమయం ఉండటంతో.. ఇరు కుటుంబ సభ్యులు పెళ్లి పనులు మొదలు పెట్టినట్లు తెలుస్తోంది. ఈ క్రమంలోనే బుధవారం ప్రీ వెడ్డింగ్‌ సెలబ్రేషన్స్‌ (Pre-Wedding Celebrations) నిర్వహించారు. ఈ కార్యక్రమానికి అతికొద్ది మంది బంధు మిత్రులు హాజరయ్యారు. ఈ వేడుకకు సంబంధించిన ఫొటోలు ప్రస్తుతం వైరల్‌ అవుతున్నాయి.
మీడియా రిపోర్ట్స్‌ ప్రకారం.. రాఘవ్-పరిణీతిల పరిణయం సెప్టెంబర్ 23, 24 తేదీల్లో రాజస్థాన్‌ ఉదయ్‌పూర్‌ (Udaipur)లోని లీలా ప్యాలెస్‌ (Leela Palace)లో పంజాబీ సంప్రదాయంలో జరగనుంది. పెళ్లి వేడుకకు సమీప బంధువులు, అత్యంత సన్నిహితులు మాత్రమే హాజరవుతారు. పెళ్లికి వచ్చే అతిథులు, వీవీఐపీల కోసం ఉదయ్‌ పూర్‌లో విలాసవంతమైన హోటళ్లను బుక్‌ చేశారు. హల్దీ, మెహందీ, సంగీత్‌ సహా వివాహాది కార్యక్రమాలు సెప్టెంబర్ 23న ప్రారంభమవుతాయి. పెళ్లి తర్వాత హర్యానాలోని గురుగ్రామ్‌లో గ్రాండ్ రిసెప్షన్ నిర్వహించనున్నారు.
ఈ పెళ్లికి 200 మందికిపైగా అతిథులు, 50 మందికిపైగా వీవీఐపీలు హాజరుకానున్నట్లు సమాచారం. దీంతో వీవీఐపీ అతిథుల ప్రాధాన్యతను దృష్టిలో ఉంచుకుని ఇంటెలిజెన్స్ అధికారులు అతిథుల కోసం బుక్‌ చేసిన హోటళ్లలో తనిఖీలు చేపట్టినట్లు మీడియాలో కథనాలు వస్తున్నాయి. రెండు నెలల క్రితమే రాఘవ్ చద్దా, పరిణీతి చోప్రా ఉదయ్‌పూర్‌ వెళ్లి హోటళ్లను పరిశీలించినట్లు తెలిసింది. ఈ వివాహానికి ఆప్ అధినేత, ఢిల్లీ సీఎం అరవింద్ కేజ్రీవాల్, పంజాబ్ సీఎం భగవంత్ మాన్ సహా పలువురు రాజకీయ ప్రముఖులు హాజరయ్యే అవాకాశం ఉంది. పరిణీతి చోప్రా కజిన్ ప్రియాంక చోప్రా, ఆమె భర్త నిక్ జోనాస్ కూడా ఈ వేడుకకు విచ్చేయనున్నట్లు తెలుస్తోంది.
పరిణీతి చోప్రా, రాఘవ్ చద్దా నిశ్చితార్థ వేడుక ఢిల్లీలోని రాజీవ్‌ చౌక్‌లో గల కపుర్తాల హౌస్‌లో మే 13వ తేదీన అంగరంగ వైభవంగా జరిగిన విషయం తెలిసిందే. ఇరువురి కుటుంబ సభ్యులు, అత్యంత సన్నిహితుల సమక్షంలో ఈ జంట ఉంగరాలు మార్చుకున్నారు. కార్యక్రమానికి పలువురు సినీ, రాజకీయ ప్రముఖులు హాజరయ్యారు. చాలారోజులు ప్రేమలో మునిగి తేలిన ఈ జంట.. ఓ హోటల్‌ డిన్నర్‌ డేట్‌కు వచ్చిన సమయంలో ఇద్దరు ప్రేమ విషయం వెలుగులోకి వచ్చింది. అప్పటి నుంచి ఇద్దరు పెళ్లి చేసుకోబోతున్నారనే వార్తలు వచ్చాయి. లండ‌న్ స్కూల్ ఆఫ్ ఎకాన‌మిక్స్‌లో రాఘవ్ చద్దా, పరిణీతి చోప్రా చదివారు. కామన్‌ స్నేహితుల ద్వారా ఇద్దరి మధ్య పరిచయం మరింత పెరిగి.. అది కాస్త ప్రేమగా మారింది. చివరకు పెళ్లిబంధంతో ఒకటికాబోతున్నారు.
View this post on Instagram
View this post on Instagram
Also Read..
Kerala Lottery | తిరుఓనం లక్కీ డ్రా.. రూ.25కోట్లు గెలుచుకున్న వ్యక్తి
Virushka | గణేష్‌ చతుర్థి స్పెషల్‌.. పట్టుచీరలో మెరిసిపోయిన అనుష్కశర్మ
Shaheen Afridi | భార్యను రెండోసారి పెళ్లాడిన పాక్‌ బౌలర్‌ షాహీన్‌ అఫ్రిది
