అఫిషియ‌ల్.. పాన్ ఇండియా ప్రాజెక్ట్‌గా బోయ‌పాటితో రామ్ సినిమా

RAPO20 | మాస్ డైరెక్టర్ బోయపాటి శ్రీను, హీరో రామ్ కాంబినేషన్‌లో సినిమా కన్ఫర్మ్ అయ్యింది. ఈ సినిమా గురించి కొద్దిరోజులుగా ఇండ‌స్ట్రీలో వార్త‌లు వ‌స్తూనే ఉన్నాయి. అయితే శుక్ర‌వారం దీనిపై అధికారికంగా ప్ర‌క‌టించారు. బోయ‌పాటితో సినిమా చేయ‌బోతున్న‌ట్లుగా రామ్ పోతినేని ట్వీట్ చేశాడు. రాపో 20 ఇప్పుడు బోయ‌పాటిరాపో అని ట్విట్ట‌ర్‌లో పేర్కొన్నాడు. మాస్ ఎమోష‌న్స్‌ను చూపించ‌డంలో దిట్ట అయిన ఈ ద‌ర్శ‌కుడితో ప‌నిచేయడం సంతోషంగా ఉంద‌ని రాసుకొచ్చాడు.

శ్రీనివాస సిల్వ‌ర్ స్క్రీన్స్ ప‌తాకంపై ప‌వ‌న్ కుమార్ స‌మ‌ర్ప‌ణ‌లో శ్రీనివాస చిట్టూరి ఈ చిత్రాన్ని నిర్మించ‌నున్నాడు. తెలుగు, త‌మిళం, మ‌ల‌యాళం, క‌న్న‌డ‌తో పాటు హిందీలో కూడా ఈ సినిమా రూపొంద‌నుంది. ఈ చిత్రంలో నటించే నటీనటుల, సాంకేతిక నిపుణుల వివరాలు త్వరలో తెలియజేయనున్నారు.

Super kicked to announce my 20th film! #RAPO20 is #BoyapatiRapo !!

Excited to see myself through the eyes of the Daddy of Mass emotions Boyapati garu.🤘

Love..#RAPO pic.twitter.com/J5cFVxU7nv

— RAm POthineni (@ramsayz) February 18, 2022

పూరీ జగన్నాథ్‌తో ఇస్మార్ట్ శంకర్ చిత్రంలో మాస్ క్యారెక్టర్ లో కనిపించాడు రామ్ పోతినేని. అంతకుముందు అతను చేసినవి ఎక్కువగా సాప్ట్ పాత్రలే. ఇప్పుడు బోయపాటి చిత్రంతో రామ్ ఇమేజ్ పూర్తిగా మారిపోనుంది. మాస్ ఎలిమెంట్స్ కలిపి హీరో పాత్రలను డిజైన్ చేసే ఈ దర్శకుడు రామ్ తోనూ అలాంటి చిత్రాన్నే చేస్తాడని ఊహించుకోవచ్చు. బాల‌కృష్ణ‌తో బోయ‌పాటి అఖండ చిత్రాన్ని రూపొందించి విజ‌యాన్ని సాధించ‌గా.. రామ్ గ‌త సినిమా రెడ్ ఫ‌ర్వాలేద‌నిపించింది. ప్ర‌స్తుతం రామ్ పోతినేని.. లింగుస్వామి ద‌ర్శ‌క‌త్వంలో ది వారియ‌ర్ సినిమాలో న‌టిస్తున్నాడు. తెలుగు, త‌మిళంలో ఈ సినిమా రూపొందుతుంది.