నందమూరి ఫ్యామిలీ నుండి వచ్చిన మరో హీరో కళ్యాణ్ రామ్ నటుడిగా, నిర్మాతగా రాణిస్తున్నారు. అయితే పటాస్ తర్వాత కళ్యాణ్ రామ్కు ఆ రేంజ్లో హిట్ రాలేదు. చివరిగా ఎంత మంచివాడవురా చిత్రంతో ప్రేక్షకులని పలకరించిన కళ్యాణ్ రామ్ ఈ రోజు తన తాత ఎన్టీఆర్ జయంతి సందర్భంగా తన కొత్త మూవీ ఫస్ట్ లుక్తో పాటు టైటిల్ అనౌన్స్ చేశారు.
పురాతన మగధ సామ్రాజ్య పాలకుడు మరియు బుద్ధుని మద్దతుదారు అయిన బింబిసర పేరుతో కళ్యాణ్ రామ్ తన 18వ సినిమా చేస్తున్నాడు. వశిష్ట్ దర్శకత్వంలో తెరకెక్కుతున్న ఈచిత్రం సోషియో ఫాంటసీ నేపథ్యంలో రూపొందుతున్నట్టు తాజా పోస్టర్ బట్టి తెలుస్తుంది. కళ్యాణ్ రామ్ గెటప్ సరికొత్తగా కనిపిస్తుండడంతో మూవీపై భారీ అంచనాలు ఉన్నాయి. ఇందులో క్యాథరిన్ ట్రెసా – సంయుక్త మీనన్ హీరోయిన్లుగా నటిస్తున్నారు.
చరిత్రను కోల్పోయిన పౌరాణిక భూమిలో నివసించిన ఒక అనాగరిక రాజు కథ ”బింబిసార” సినిమా అని చిత్ర యూనిట్ ప్రకటించింది. చెడు నుండి మంచి వరకు పయనించిన టైమ్ ట్రావెల్ మూవీ అని తెలిపారు. పోస్టర్లో కళ్యాణ్ రామ్ ఇంతకు ముందు ఎప్పుడూ చూడని కొత్త అవతారంలో గంభీరంగా కనిపిస్తున్నారు. యుద్ధంలో తన చేతిలో చనిపోయినవారి శవాల గుట్టపై కూర్చొని చాలా సీరియస్గా కనిపిస్తున్నాడు.పాన్ ఇండియా మూవీగా భారీ బడ్జెట్తో కళ్యాణ్ రామ్ ఈ సినిమాను రూపొందిస్తున్నారు.