ఇకపై రెగ్యులర్‌గా సినిమాలు చేస్తా!

నేను యాక్షన్‌ సినిమాలు చేశాను కానీ పక్కా మాస్‌ సినిమా ఎప్పుడూ చేయలేదు. నటుడిగా కొత్త ఎక్స్‌పీరియన్స్‌ ఇది. యూనివర్సల్‌ కాన్సెప్ట్‌తో రస్టిక్‌ విలేజ్‌ డ్రామాగా మెప్పిస్తుంది’ అన్నారు నారా రోహిత్‌.

‘నేను యాక్షన్‌ సినిమాలు చేశాను కానీ పక్కా మాస్‌ సినిమా ఎప్పుడూ చేయలేదు. నటుడిగా కొత్త ఎక్స్‌పీరియన్స్‌ ఇది. యూనివర్సల్‌ కాన్సెప్ట్‌తో రస్టిక్‌ విలేజ్‌ డ్రామాగా మెప్పిస్తుంది’ అన్నారు నారా రోహిత్‌. ఆయన ఓ ప్రధాన పాత్రలో బెల్లంకొండ సాయిశ్రీనివాస్‌, మంచు మనోజ్‌లతో కలిసి నటించిన ‘భైరవం’ చిత్రం ఈ నెల 30న ప్రేక్షకుల ముందుకురానుంది. విజయ్‌ కనకమేడల దర్శకుడు. ఈ సందర్భంగా మంగళవారం నారా రోహిత్‌ విలేకరులతో పంచుకున్న విశేషాలు..

• బెల్లంకొండ సురేష్‌గారు ఈ కథ గురించి చెప్పారు. తమిళ మాతృక ‘గరుడన్‌’లో శశికుమార్‌ చేసిన పాత్ర నాకు బాగా సరిపోతుందన్నారు. ఆయన జడ్జిమెంట్‌పై నాకు గొప్ప నమ్మకం. దాంతో సినిమాకు ఓకే చెప్పాను. సార్వజనీన అంశాలున్న కథాంశమిది. తెలుగు నేటివిటీకి తగినట్లుగా దర్శకుడు మార్పులు చేశారు. ప్రతి సన్నివేశాన్ని కొత్తగా రాశారు.
• సాయిశ్రీనివాస్‌, మనోజ్‌లతో ఎప్పటి నుంచో పరిచయం ఉంది. మనోజ్‌ మా ఫ్యామిలీ ఫ్రెండ్‌. దాంతో షూటింగ్‌ కంఫర్టబుల్‌గా చేశాం. దర్శకుడు విజయ్‌కి ఈ సబ్జెక్ట్‌పై పూర్తి క్లారిటీ ఉంది. మా ముగ్గురి నుంచి తనకు కావాల్సిన పర్‌ఫార్మెన్స్‌ను రాబట్టుకున్నారు. ‘గరుడన్‌’ చూసిన వాళ్లకు కూడా ఒరిజినల్‌ సినిమా చూసిన అనుభూతినిస్తుంది.
• కెరీర్‌లో చిన్న బ్రేక్‌ తీసుకోవాలనుకున్నా. అనుకోకుండా అది కాస్త పెద్ద బ్రేక్‌ అయింది. (నవ్వుతూ). ఇకపై రెగ్యులర్‌గా సినిమాలు చేస్తా. నా తాజా చిత్రం ‘సుందరకాండ’ దాదాపు పూర్తికావొచ్చింది. జూలైలో రిలీజ్‌కు ప్లాన్‌ చేస్తున్నాం. తదుపరి చిత్రాన్ని ఆగస్టులో మొదలుపెట్టబోతున్నాం.
• ఈ సినిమాలో యాక్షన్‌ హైలైట్‌గా ఉంటుంది. చాలా రోజుల తర్వాత హై ఇంటెన్సిటీ యాక్షన్‌ ఎపిసోడ్స్‌ చేశాను. ముఖ్యంగా ఇంటర్వెల్‌ సీక్వెన్స్‌ గూజ్‌బంప్స్‌ తెప్పిస్తుంది. ఒరిజినల్‌గా ఇది వెట్రిమారన్‌ కథ. సినిమాలో ప్రతీ పాత్రకు ఇంపార్టెన్స్‌ ఉంటుంది.
• ఇటీవలే ఫిల్మ్‌ ప్రొడక్షన్స్‌లో కూడా ఎంటరయ్యా. మా కజిన్స్‌తో కలిసి ‘సుందరకాండ’ చేస్తున్నా. మంచి కథలు వస్తే సినిమాలు నిర్మిస్తాను. నాకు హారర్‌ తప్ప అన్ని జోనర్‌ సినిమాలు ఇష్టం. డబ్బులు ఇచ్చి భయపడటం ఎందుకు (నవ్వుతూ). ‘అప్పట్లో ఒకడుండేవాడు’ చిత్రానికి సీక్వెల్‌ చేయాలనుకున్నాం. కానీ కార్యరూపం దాల్చలేదు. భవిష్యత్తులో అవుతుందోమో చూడాలి.