తమిళ రీమేక్‌ చిత్రంలో నాగార్జున?

నాగార్జున తన కెరీర్‌లో కీలకమైన మైలురాయికి చేరువయ్యారు. త్వరలోనే 100వ చిత్రం చేయబోతున్నారాయన. న్యూ టాలెంట్‌తో పనిచేసేందుకు ఉత్సాహం చూపించే నాగ్‌.. తమిళంలో ఒకే ఒక్క సినిమాను తెరకెక్కించిన రా.కార్తీక్‌కి తన 100వ చిత్రం బాధ్యతను అప్పగించారట.

నాగార్జున తన కెరీర్‌లో కీలకమైన మైలురాయికి చేరువయ్యారు. త్వరలోనే 100వ చిత్రం చేయబోతున్నారాయన. న్యూ టాలెంట్‌తో పనిచేసేందుకు ఉత్సాహం చూపించే నాగ్‌.. తమిళంలో ఒకే ఒక్క సినిమాను తెరకెక్కించిన రా.కార్తీక్‌కి తన 100వ చిత్రం బాధ్యతను అప్పగించారట. ఇదిలావుంటే.. మరోవైపు నాగ్‌ ఓ రీమేక్‌ చేయబోతున్నట్టు ఫిల్మ్‌నగర్‌లో ఓ వార్త బలంగా వినిపిస్తున్నది. తమిళంలో శశికుమార్‌ నటించిన ‘అయోతి’ చిత్రాన్ని రీమేక్‌ చేసేందుకు నాగ్‌ ఆసక్తి చూపిస్తున్నారట. 2023లో విడుదలైన ఈ మెలోడ్రామాటిక్‌ సినిమాకు మంత్రి రామ్మూర్తి దర్శకుడు.

ఈ సినిమా కథ, కథనం, ఎమోషన్స్‌ గురించి తమిళ ప్రేక్షకులు ప్రత్యేకంగా మాట్లాడుకున్నారనీ, తమిళనాట విమర్శకుల ప్రశంసలందుకోవడంతోపాటు వాణిజ్యపరంగా కూడా ఈ సినిమా ఘన విజయం సాధించిందనీ, అందుకే ఆ సినిమాను రీమేక్‌ చేసేందుకు నాగ్‌ ఉత్సాహం కనపరుస్తున్నారని ఫిల్మ్‌ సర్కిల్స్‌లో వార్త బలంగా వినిపిస్తున్నది. ప్రస్తుతం ఈ సినిమాకు సంబంధించిన చర్చలు జరుగుతున్నాయి. మరి ఈ చిత్రాన్ని తెలుగులో రీమేక్‌ చేస్తే.. దర్శకుడిగా మంత్రి రామ్మూర్తే ఉంటారా? లేక వేరొకర్ని తీసుకుంటారా? అనేది తెలియాల్సివుంది. ఆగస్ట్‌ 29న నాగార్జున పుట్టిన రోజు సందర్భంగా ఆయన 100వ సినిమాతోపాటు ఈ సినిమాకు సంబంధించిన అప్‌డేట్‌ కూడా వచ్చే అవకాశం ఉంది.