భక్తుల ఇంటికే రాములోరి కల్యాణ తలంబ్రాలు

శ్రీరామ నవమి సందర్భంగా భద్రాచలంలో జరుగబోయే సీతారామచంద్రుల కల్యాణోత్సవ తలంబ్రాలను భక్తులకు అందజేయాలని టీజీఎస్‌ ఆర్టీసీ నిర్ణయించినట్టు సంస్థ ఎండీ వై నాగిరెడ్డి తెలిపారు. శనివారం హైదరాబాద్‌లోని బస్‌భవన్‌లో కల్యాణ తలంబ్రాల బుకింగ్స్‌ పోస్టర్‌ను ఆయన ఆవిషరించారు.

• రేపటి నుంచి బుకింగ్స్‌ ప్రారంభం : ఆర్టీసీ ఎండీ

హైదరాబాద్‌, ఫిబ్రవరి 21 (నమస్తే తెలంగాణ): శ్రీరామ నవమి సందర్భంగా భద్రాచలంలో జరుగబోయే సీతారామచంద్రుల కల్యాణోత్సవ తలంబ్రాలను భక్తులకు అందజేయాలని టీజీఎస్‌ ఆర్టీసీ నిర్ణయించినట్టు సంస్థ ఎండీ వై నాగిరెడ్డి తెలిపారు. శనివారం హైదరాబాద్‌లోని బస్‌భవన్‌లో కల్యాణ తలంబ్రాల బుకింగ్స్‌ పోస్టర్‌ను ఆయన ఆవిషరించారు.

ఈ సందర్భంగా నాగిరెడ్డి మాట్లాడుతూ.. తెలంగాణ దేవాదాయశాఖ సహకారంతో రాములవారి కల్యాణ తలంబ్రాలను భక్తుల ఇండ్లకు వద్దకు చేరవేసే పవిత్ర కార్యానికి శ్రీకారం చుట్టామని తెలిపారు. ఎంతో విశిష్టత కలిగిన ఈ తలంబ్రాల ప్యాకెట్లు పొందాలనుకునే భక్తులు www. tgsrtclogistics.co.in వెబ్‌సైట్‌ ద్వారా బుకింగ్‌ చేసుకోవాలని సూచించారు. టీజీఎస్‌ఆర్టీసీ లాజిస్టిక్స్‌ కేంద్రాల్లో రూ.151 చెల్లించి.. వివరాలు నమోదు చేసుకోవాలని వివరించారు. సీతారామచంద్రుల కల్యాణోత్సవం అనంతరం ఈ తలంబ్రాలను భక్తుల ఇండ్లకు డెలివరీ చేస్తామని చెప్పారు.

గత మూడేండ్లలో లక్షలాది మంది భక్తులకు తలంబ్రాలను సంస్థ అందజేసిందని తెలిపారు. భద్రాద్రిలో మార్చి 27న అంగరంగ వైభవంగా జరిగే శ్రీరామనవమి వేడుకలకు వెళ్లలేని భక్తులు ఈ సేవలను వినియోగించుకోవాలని కోరారు. మరిన్ని వివరాలకు 040-23450033, 040-69440069 సంప్రదించవచ్చని పేర్కొన్నారు. ఈ కార్యక్రమంలో సీటీఎం (మారెటింగ్‌ అండ్‌ కమర్షియల్‌) శ్రీధర్‌, లాజిస్టిక్‌ ఏటీఏం రాజన్‌, భాను తదితరులు పాల్గొన్నారు.