హృతిక్‌ హీరోగా మైత్రీ సినిమా?

చిత్ర నిర్మాణంలో మైత్రీ మూవీ మేకర్స్‌ దూకుడు మామూలుగా లేదు. ఒకే టైమ్‌లో చిరంజీవి, బాలకృష్ణలతో సినిమాలు తీయడమే కాక, రెండిటినీ సంక్రాంతి బరిలోకి దింపి.. తమతో తామే పొటీ పడ్డ క్రెడిట్‌ మైత్రీ వారిది.

చిత్ర నిర్మాణంలో మైత్రీ మూవీ మేకర్స్‌ దూకుడు మామూలుగా లేదు. ఒకే టైమ్‌లో చిరంజీవి, బాలకృష్ణలతో సినిమాలు తీయడమే కాక, రెండిటినీ సంక్రాంతి బరిలోకి దింపి.. తమతో తామే పొటీ పడ్డ క్రెడిట్‌ మైత్రీ వారిది. ఈ నెల 10న ఆ సంస్థనుంచి ‘జాట్‌’ సినిమా రానుంది. బాలీవుడ్‌ స్టార్‌ సన్నీడియోల్‌ హీరోగా, టాలీవుడ్‌ డైరెక్టర్‌ మలినేని గోపీచంద్‌ దర్శకత్వంలో నిర్మించిన ఈ హిందీ సినిమాపై దేశవ్యాప్తంగా భారీ అంచనాలున్నాయి.

ఇదిలావుంటే.. ఈ వేడిలోనే మరో బాలీవుడ్‌ హీరో హృతిక్‌ రోషన్‌తో కూడా ఓ సినిమా చేసేందుకు మైత్రీవారు సన్నాహాలు చేస్తున్నట్టు వార్తలొస్తున్నాయి. టాలీవుడ్‌ డైరెక్టర్‌ కె.ఎస్‌.రవీంద్ర(బాబీ) ఈ చిత్రానికి దర్శకత్వం వహిస్తారట. ఇటీవలే హృతిక్‌కి బాబీ కథ కూడా వినిపించారట. దానికి హృతిక్‌ ఓకే చెప్పినట్టు తెలుస్తున్నది. ప్రస్తుతం హృతిక్‌ ‘వార్‌ 2’ షూటింగ్‌లో బిజీగా ఉన్నారు. ఆ తర్వాత ‘క్రిష్‌ 4’ ఎలాగూ ఉంది. పైగా ఆ సినిమా ద్వారా హృతిక్‌ దర్శకుడిగా కూడా పరిచయం కానున్నారు. మరి ఇంత బిజీ షెడ్యూల్‌లో బాబీకి హృతిక్‌ ఛాన్సిస్తాడా?.. అనేది మిలియన్‌ డాలర్ల ప్రశ్న. మరి ఈ వార్తలో నిజం ఎంతుందో తెలియాలంటే ఇంకొన్ని రోజులు ఆగాల్సిందే.