Leopard: పొలంలోకి వ‌చ్చిన చిరుత‌.. దానితో సెల్ఫీ దిగిన రైతు.. వీడియో వైర‌ల్

Leopard : పొలంలోకి వ‌చ్చిన చిరుతను చూసి రైతు భ‌య‌ప‌డ‌లేదు. ధైర్యంగా దాని ద‌గ్గ‌ర‌కు వెళ్లాడు. మొబైల్ ఫోన్‌తో సెల్ఫీ దిగాడు. ఆ చిరుత కూడా జంక‌లేదు. చాలా కూల్‌గా కూర్చుని సెల్ఫీ దిగింది. ప్ర‌స్తుతం ఈ వీడియో ఆన్‌లైన్‌లో వైర‌ల్ అవుతున్న‌ది.

పాట్నా: ఓ చిరుత(Leopard) ఓ రైతు పొలంలోకి ప్ర‌వేశించింది. అయితే ఆ రైతు దాన్ని చూసి భ‌య‌ప‌డ‌లేదు. ప‌రుగెత్త‌లేదు. చాలా కూల్‌గా దాని ద‌గ్గ‌ర‌కు వెళ్లాడు. ఆ చిరుత‌తో సెల్ఫీ దిగాడు. ఆ చిరుత తొలుత టెన్ష‌న్ ప‌డ్డా.. ఆ త‌ర్వాత ఆ రైతుకు అది స‌హ‌క‌రించింది. ఈ ఘ‌ట‌న‌కు చెందిన వీడియో ఒక‌టి ప్ర‌స్తుతం సోష‌ల్ మీడియాలో వైర‌ల్ అవుతున్న‌ది. పొలంలోకి వ‌చ్చిన చిరుతు చూసి రైతు ఏమాత్రం కంగారుప‌డ‌లేదు. త‌న వ‌ద్ద మొబైల్ ఫోన్ తీసి నింపాదిగా సెల్ఫీ దిగాడు. ఆ వ్య‌క్తికి కొంత దూరంలో చిరుత మౌనంగా కూర్చుండిపోయింది.

కొంత దూరం నుంచి కొంద‌రు వ్య‌క్తులు ఈ చిత్రాన్ని త‌మ మొబైల్ ఫోన్ల‌లో బంధించారు. చిరుత కూడా దూకుడు ప్ర‌ద‌ర్శించ‌లేదు. చిరుత‌, రైతు మ‌ధ్య ఘ‌ర్ష‌ణ జ‌రిగిన‌ట్లు వీడియోలో లేదు. బీహార్ రాష్ట్రంలో ఎక్క‌డో ఈ ఘ‌ట‌న చోటుచేసుకున్న‌ట్లు అనుమానిస్తున్నారు. చిరుత‌, మ‌నిషి సెల్ఫీ దిగిన తీరు ఆన్‌లైన్ వ్యూవ‌ర్ల‌ను ఆక‌ట్టుకుంటున్న‌ది. సోష‌ల్ మీడియా యూజ‌ర్లు కామెంట్ల‌తో హోరెత్తిస్తున్నారు. ఈ వీడియోకు సంబంధించిన నిజ‌నిర్ధార‌ణ జ‌ర‌గ‌లేదు. కేవ‌లం వీడియో మాత్ర‌మే వైర‌ల్ అవుతోంది.

Farmer in India took a selfie with a leopard that entered his field.. pic.twitter.com/GGV7BWUk5L

— Damn Nature You Scary (@AmazingSights) February 25, 2026