Miss Shetty Mr Polishetty | నవీన్ పొలిశెట్టి (Naveen Polishetty), అనుష్కా శెట్టి (Anushka shetty) కాంబినేషన్లో తెరకెక్కిన తాజా చిత్రం మిస్ శెట్టి మిస్టర్ పొలిశెట్టి (Miss Shetty Mr Polishetty). సెప్టెంబర్ 7న ప్రేక్షకుల ముందుకొచ్చిన ఈ చిత్రం విడుదలైన అన్ని సెంటర్లలో మంచి టాక్తో స్క్రీనింగ్ అవుతుంది. ఇదిలా ఉంటే ఓవర్సీస్లో కలెక్షన్ల పరంగా ఈ సినిమా అరుదైన ఘనత సాధించింది.
కలెక్షన్ల పరంగా ఈ సినిమా నిర్మాతలకు ఓవర్సీస్లో కాసులు కురిపిస్తోంది. ఇవాళ్టి అప్డేట్ ప్రకారం యూఎస్లో ఈ మూవీ 1.5 మిలియన్ డాలర్స్ రాబట్టినట్లుగా డిస్ట్రిబ్యూటర్స్ కన్ఫర్మ్ చేశారు. ఈ హవాతో 2 మిలియన్ డాలర్స్కి కూడా చేరుకుంటుందని మేకర్స్ వెల్లడించారు. కాగా మరోవైపు ఈ సినిమా ఓటీటీ హక్కులను ‘నెట్ఫ్లిక్స్’ (Netflix) దక్కించుకోగా.. శాటిలైట్ రైట్స్ను ‘జీ’ (ZEE) టీవీ సొంతం చేసుకుంది.
#MissShettyMrPolishetty conquers the USA Box Office with style!
Grosses $1,507,146 @ 6:50pm PST 🤩
Racing Towards $2Million
Don’t miss out on the year’s biggest entertainer! 🥳
USA by @PrathyangiraUS@MsAnushkaShetty@NaveenPolishety@UV_Creations#BlockbusterMSMP pic.twitter.com/E7f3DUdh3y
— Prathyangira Cinemas (@PrathyangiraUS) September 17, 2023
మొదట ఈ సినిమా పేరు జనాలకు అంతగా రిజిస్టర్ అవ్వలేదు. పైగా దానికి తోడు షారుఖ్ ఖాన్ జవాన్ (Shah Rukh Khan Jawan) సినిమాకు పోటీగా దింపడంతో ఈ సినిమా కొట్టుకుపోవడం ఖాయం అని అనుకున్నారు. తొలిరోజు అదే జరిగింది కూడా. జవాన్ దాటికి ‘మిస్ శెట్టి’ పేరు కూడా ఎక్కడ వినిపించలేదు. అయితే మెల్లిగా ఈ సినిమాకు పాజిటీవ్ టాక్ రావడంతో కొంచెం కొంచెంగా పుంజుకుంది. ఇక శని, ఆదివారాలు వచ్చే సరికి కొన్ని చోట్ల టిక్కెట్లు దొరకని పరిస్థితి కూడా ఏర్పడింది. అంతలా సినిమా పికప్ అయింది. దానికి తోడు రిలీజ్కు ముందు చిరు, రిలీజ్ తర్వాత మహేష్, రాజమౌళి రివ్యూలు కూడా సినిమాకు బాగా ప్లస్ అయింది.