శ్రీసీతారామచంద్రస్వామి దేవాలయ కమిటీ అధ్యక్షుడిగా దేవరపల్లి గోవర్ధన్రెడ్డి
దేవాలయంలో అట్టహాసంగా ప్రమాణ స్వీకారం
చౌటుప్పల్, ఏప్రిల్ 23: విధేయుడికే మాజీ ఎమ్మెల్యే కూసుకుంట్ల ప్రభాకర్రెడ్డి పట్టం కట్టారు. ఎప్పుడెప్పుడా అని ఎదురు చూస్తున్న శ్రీసీతారామచంద్రస్వామి దేవాలయం కమిటీ అధ్యక్ష పదవి ఎంపిక జరిగింది. అధ్యక్షుడిగా మున్సిపాలిటీ కేంద్రానికి చెందిన దేవరపల్లి గోవర్ధన్రెడ్డి ఎన్నికయ్యారు. శుక్రవారం దేవాలయంలో అధ్యక్షుడిగా ప్రమాణస్వీకారం చేశారు. దేవాదాయ ధర్మాదాయ శాఖ జిల్లా ఇన్స్పెక్టర్ సుమతి ఆయనతో ప్రమాణ స్వీకారం చేయించారు. అంతకుముందు దేవాలయ ధర్మకర్తలుగా దేవరపల్లి గోవర్ధన్రెడ్డి, ఉప్పుల కుసుమ, మునుకుంట్ల సత్యనారాయణగౌడ్, జక్కర్తి శేఖర్, పస్తం గంగరాములను ప్రభుత్వం నియమించింది. వీరు దేవాలయంలో సమావేశమై అధ్యక్షుడిగా దేవరపల్లి గోవర్ధన్రెడ్డిని ఏకగ్రీవంగా ఎన్నుకున్నారు. కాగా శ్రీసీతారామచంద్రస్వామి దేవస్థాన కమిటీకి పట్టణంలో ప్రత్యేక స్థానం ఉంది. ఈ పదవిని చేపట్టాలని అనేక మంది ఆకాంక్షిస్తుంటారు. ప్రస్తుతం ఎండోమెంట్ పరిధిలో దేవాలయం ఉండడంతో అధ్యక్ష పదవికి తీవ్ర పోటీ నెలకొన్నది. గత రెండేండ్లుగా అధ్యక్ష పదవి ఎవరికి వస్తుందా అని జోరుగా చర్చ జరిగింది. వివిధ పార్టీల నాయకులు తమ అనుచరులకు దేవాలయ కమిటీ అధ్యక్ష పదవి ఇప్పించుకోవాలని తీవ్ర ప్రయత్నం చేశారు. కానీ దేవాలయ అభివృద్ధికి పాటుపడడంతో పాటు మాజీ ఎమ్మెల్యేకు అత్యంత విశ్వసనీయుడిగా పేరు తెచ్చుకున్న దేవరపల్లి గోవర్ధన్రెడ్డినే చివరికి అధ్యక్ష పదవి వరించింది. దీంతో ఇప్పటి వరకు నెలకొన్న తీవ్ర ఉత్కంఠకు తెరపడినట్లయ్యింది.
దేవాలయ కమిటీ అధ్యక్షుడికి సన్మానం..
శ్రీసీతారామచంద్రస్వామి దేవాలయ కమిటీ అధ్యక్షుడిగా ఎన్నికైన దేవరపల్లి గోవర్ధన్రెడ్డిని మున్సిపల్ చైర్మన్ వెన్రెడ్డి రాజు పూలమాల, శాలువాతో సన్మానించారు.ఈ కార్యక్రమంలో సింగిల్విండో చైర్మన్ చింతల దామోదర్రెడ్డి, మార్కెట్ చైర్మన్ బొడ్డు శ్రీనివాస్రెడ్డి, మున్సిపల్ వైస్ చైర్మన్ శ్రీశైలంగౌడ్, శాఖగ్రంథాలయం చైర్మన్ మల్లేశ్గౌడ్, కౌన్సిలర్లు, పాల్గొన్నారు.
దేవాలయ అభివృద్ధికి కృషి
నమ్మకంతో అధ్యక్ష పదవి కట్టబెట్టిన మాజీ ఎమ్మె ల్యే కూసుకుంట్ల ప్రభాకర్రెడ్డికి కృతజ్ఞతలు. నామీద పెట్టిన నమ్మకాన్ని వమ్ము చేయకుండా పనిచేస్తా. దేవాలయం అభివృద్ధికి శక్తివంచన లేకుండా కృషి చేస్తా. ఎలాంటి రాజకీయాలకు తావివ్వకుండా భక్తిభావం వెల్లివిరిసేలా పని చేస్తా.
-దేవరపల్లి గోవర్ధన్రెడ్డి, అధ్యక్షుడు,శ్రీసీతారామచంద్రస్వామి దేవాలయం