Sunainaa | నన్ను కోలుకోనివ్వండి.. అభిమానుల ప్రశ్నకు సునయన సర్‌ప్రైజ్ రిప్లై

గతేడాది శ్రీ విష్ణుతో కలిసి రాజ రాజ చోర (Raja Raja Chora) చిత్రంలో మెరిసింది సునయన (Sunainaa). ఈ నాగ్‌పూర్ భామ వ్యక్తిగత జీవితంలో గుండెబద్దలయ్యే ఘటన ఒకటి జరిగిందట.

November 17, 2022 / 02:16 PM IST

Sunainaa | నన్ను కోలుకోనివ్వండి.. అభిమానుల ప్రశ్నకు సునయన సర్‌ప్రైజ్ రిప్లై

టెన్త్‌ క్లాస్‌ సినిమాతో తొలిసారి లీడ్ రోల్‌లో తెలుగు ప్రేక్షకులను పలుకరించింది నాగ్‌పూర్ భామ సునయన (Sunainaa). ఆ తర్వాత మరో రెండు తెలుగు చిత్రాల్లో కనిపించిన సునయన.. గతేడాది శ్రీ విష్ణుతో కలిసి రాజ రాజ చోర (Raja Raja Chora) చిత్రంలో మెరిసింది. ఈ చిత్రంతో మంచి సక్సెస్ అందుకుంది. సునయన వ్యక్తిగత జీవితంలో గుండెబద్దలయ్యే ఘటన ఒకటి జరిగిందట.

సునయన ట్విటర్‌లో అభిమానులతో చిట్‌చాట్ సెషన్‌లో పాల్గొన్నది. మీరు ఎప్పుడు పెళ్లి చేసుకుంటున్నారు..అని ఓ అభిమాని సునయనను అడిగారు. ‘ఇప్పటికే నా హృదయం ముక్కలైంది. ఆ ఘటన నుంచి ఇంకా కోలుకోలేకపోతున్నా.. నన్ను కోలుకోనివ్వండి..’అంటూ రిప్లై ఇచ్చి అందరికీ సర్‌ప్రైజ్‌ ఇచ్చింది సునయన.

ఈ సమాధానంతో సునయన ప్రేమలో పడిందా..? ఇంతకీ ఆ వ్యక్తి ఎవరై ఉంటారు..? అసలు సునయన జీవితంలో గుండెబద్దలయ్యేంత విషయం ఏం జరిగింది..అంటూ తెగ చర్చించుకోవడం మొదలుపెట్టారు నెటిజన్లు, మూవీ లవర్స్ .

రాబోయే రోజుల్లో ఈ విషయంపై సునయన ఏమైనా క్లారిటీ ఇస్తుందేమో చూడాలి. కొంతకాలంగా తమిళ సినిమాలతోనే ఫుల్ బిజీగా మారిపోయింది. ప్రస్తుతం తెలుగు, తమిళ భాషల్లో విశాల్‌తో కలిసి లాఠీ సినిమాలో నటిస్తోంది.