బతికున్నంత కాలం పనిచేయాలి

‘అందం కోసం ట్రీట్మెంట్లు తీసుకునే బదులు.. ఆరోగ్యకరమైన ఆహారాన్ని తీసుకుంటూ జీవినశైలిలో మార్పులు చేసుకుంటూ ముందుకెళ్లడమే ఉత్తమం.’

‘అందం కోసం ట్రీట్మెంట్లు తీసుకునే బదులు.. ఆరోగ్యకరమైన ఆహారాన్ని తీసుకుంటూ జీవినశైలిలో మార్పులు చేసుకుంటూ ముందుకెళ్లడమే ఉత్తమం.’ అంటున్నారు నాటి బాలీవుడ్‌ సూపర్‌స్టార్‌ కరీనా కపూర్‌. తాజాగా ఓ ప్రైవేటు కార్యక్రమంలో పాల్గొన్న ఆమె.. కెరీర్‌, ఆరోగ్యం తదితర అంశాలపై మాట్లాడారు. ‘నా దృష్టిలో వయసు అనేది ఓ నంబర్‌ మాత్రమే.

మనసులు ఆరోగ్యంగా ఉంటే, మనుషులు కూడా ఆరోగ్యంగా ఉంటారు. వృద్ధాప్యం వల్ల ఎదురయ్యే ఏ సమస్యనైనా అప్పుడు అధిగమించొచ్చు. 75ఏండ్ల వయసులోనూ నేను సెట్స్‌కి వెళ్లగలగాలి. నా మనవరాళ్లను ఎత్తుకోడానికి వంగగలగాలి. బతికున్నంతకాలం పనిచేయాలి. పనిచేస్తూనే వెళ్లిపోవాలి. అదే నేను కోరుకునేది. దానికోసం శక్తివంచన లేకుండా ప్రయత్నిస్తా.’ అంటూ చెప్పుకొచ్చారు కరీనా.