Rajinikanth | నాకు గూస్‌బంప్స్ తెప్పించారు.. కాంతార సినిమాపై రజినీకాంత్‌

యాక్షన్ మిస్టరీ థ్రిల్లర్‌ జోనర్‌లో తెరకెక్కిన కాంతార సెప్టెంబర్‌ 30న కన్నడలో విడుదలైంది. ఆ తర్వాత తెలుగులో కూడా రిలీజై నిర్మాతలకు కాసుల వర్షం కురిపిస్తోంది. ఈ సినిమాపై ఇప్పటికే పలువురు స్టార్ సెలబ్రిటీలు ప్రశంసలు కురిపించారు.

October 26, 2022 / 04:56 PM IST

Rajinikanth | నాకు గూస్‌బంప్స్ తెప్పించారు.. కాంతార సినిమాపై రజినీకాంత్‌

కన్నడ హీరో రిషబ్‌ శెట్టి స్వీయ దర్శకత్వంలో లీడ్‌ రోల్‌ పోషించిన చిత్రం కాంతార (kantara). యాక్షన్ మిస్టరీ థ్రిల్లర్‌ జోనర్‌లో తెరకెక్కిన ఈ చిత్రాన్ని కేజీఎఫ్‌ ఫేం హోంబలే ఫిలింస్‌ బ్యానర్‌లో విజయ్‌ కిరగందూర్‌ నిర్మించారు. కాంతార సెప్టెంబర్‌ 30న కన్నడలో విడుదలైంది. ఆ తర్వాత తెలుగులో కూడా రిలీజై నిర్మాతలకు కాసుల వర్షం కురిపిస్తోంది.

ఈ సినిమాపై ఇప్పటికే పలువురు స్టార్ సెలబ్రిటీలు ప్రశంసలు కురిపించారు. కాంతార చిత్రాన్ని తెలుగులో రిలీజ్‌ చేసిన అల్లు అరవింద్‌, బాహుబలి నిర్మాత శోభు యార్లగడ్డతోపాటు స్టార్ హీరోయిన్‌ అనుష్క ఆకాశానికెత్తేశారు. కాగా ఈ జాబితాలో ఇపుడు తమిళ సూపర్ స్టార్ రజినీకాంత్‌ (Rajinikanth) కూడా చేరిపోయారు.

‘తెలిసిన దానికంటే తెలియనిది ఎక్కువ.. సినిమాల్లో ఇంతకంటే బాగా ఎవరూ చెప్పలేరు. కాంతార సినిమాతో నాకు గూస్‌బంప్స్ తెప్పించారు. రిషబ్ శెట్టి ..ఓ రచయితగా, దర్శకుడిగా, నటుడిగా మీకు హ్యాట్సాఫ్. భారతీయ సినిమాలో అద్భుత కళాఖండం. కాంతార నటీనటులు తారాగణం, టీంకు అభినందనలు’ అని ట్వీట్ చేశారు. ఈ ట్వీట్ ఇపుడు నెట్టింట్లో వైరల్ అవుతుంది.

కాంతార చిత్రంలో సప్తమి గౌడ, కిశోర్‌, అచ్యుత్‌ కుమార్‌, నవీన్‌ డీ పడ్లి, ప్రమోద్‌ శెట్టి కీలక పాత్రల్లో నటించారు. అంజనీష్‌ లోక్‌ నాథ్‌ కాంతార చిత్రానికి మ్యూజిక్‌, బ్యాక్‌ గ్రౌండ్‌ స్కోర్‌ అందించాడు.

“The unknown is more than the known” no one could have said this better in cinema than @hombalefilms #KantaraMovie you gave me goosebumps @shetty_rishab Rishab hats off to you as a writer,director and actor.Congrats to the whole cast and crew of this masterpiece in indian cinema

— Rajinikanth (@rajinikanth) October 26, 2022