Sardar 2 | మిషన్‌ కంబోడియా త్వరలో షురూ.. కార్తీ టీం సర్దార్ 2 వీడియో వైరల్

స్పై థ్రిల్ల‌ర్‌గా వచ్చిన స‌ర్దార్ (Sardar) అక్టోబర్ 21న విడుదలైంది. తెలుగు, తమిళంతోపాటు విడుదలైన ఈ సినిమాకు సీక్వెల్‌ ఉండబోతుందని చివరలో పరోక్షంగా హింట్‌ ఇచ్చేశాడు డైరెక్టర్‌ పీఎస్‌ మిత్రన్‌.

October 26, 2022 / 12:52 PM IST

Sardar 2 | మిషన్‌ కంబోడియా త్వరలో షురూ.. కార్తీ టీం సర్దార్ 2 వీడియో వైరల్

తెలుగు, త‌మిళ ప్రేక్ష‌కుల‌కు పరిచయం అక్కర్లేని నటుడు కార్తీ (Karthi). ఈ టాలెంటెడ్‌ హీరో పీఎస్ మిత్ర‌న్ (PS Mithran) దర్శకత్వంలో నటించిన చిత్రం స‌ర్దార్ (Sardar). స్పై థ్రిల్ల‌ర్‌గా వచ్చిన ఈ చిత్రం అక్టోబర్ 21న తెలుగు, తమిళంతోపాటు వివిధ భాషల్లో విడుదలై మంచి టాక్‌తో స్క్రీనింగ్‌ అవుతూ.. నిర్మాతలకు కాసుల వర్షం కురిపిస్తోంది. కాగా ఈ సినిమాకు సీక్వెల్‌ ఉండబోతుందని చివరలో పరోక్షంగా హింట్‌ ఇచ్చేశాడు డైరెక్టర్‌ పీఎస్‌ మిత్రన్‌.

అయితే ఇపుడు సర్దార్ 2 చిత్రంపై కార్తీ టీం అధికారికంగా అప్‌డేట్‌ ఇచ్చి.. అభిమానులు, మూవీ లవర్స్‌ లో జోష్‌ నింపుతుంది. ఒకసారి స్పై అయితే, ఎప్పుడూ స్పై.. మిషన్‌ కంబోడియా త్వరలో మొదలవుతుంది.. అంటూ మేకర్స్‌ సర్దార్‌ 2 గురించి చెబుతూ చిన్న వీడియోను షేర్ చేశారు. ఈ వీడియో ఇపుడు నెట్టింట్లో వైరల్ అవుతోంది. పీఎస్‌ మిత్రన్‌ డైరెక్ట్‌ చేయనున్న సర్దార్‌ 2 మూవీ 2023లో విడుదల కానుంది.

కార్తీ వచ్చే ఏడాది సీక్వెల్స్‌ ప్రాజెక్ట్‌లతో రానుండటం ఆసక్తికర విషయం. ఇటీవలే వచ్చిన పొన్నియన్‌ సెల్వన్‌-1 మంచి హిట్టు అందుకుంది. దీనికి సీక్వెల్‌ పొన్నియన్‌ సెల్వన్‌ -2, లోకేశ్‌ కనగరాజ్‌ డైరెక్షన్‌లో చేయబోతున్న ఖైదీ 2 కూడా వచ్చే ఏడాది ప్రేక్షకుల ముందుకు రాబోతున్నట్టు సమాచారం. ఓ యాక్టర్‌ ఇలా వరుసగా సీక్వెల్‌ ప్రాజెక్ట్‌లతో ఒకే ఏడాది రావడం చాలా అరుదనే చెప్పాలి.

#Sardar 💥
Once a spy, always a spy!
Mission starts soon!!#Sardar2 💥💥@Karthi_Offl @Prince_Pictures @RedGiantMovies_ @Psmithran @gvprakash @lakku76 @RaashiiKhanna @rajishavijayan @ChunkyThePanday @george_dop @AntonyLRuben @dhilipaction @kirubakaran_AKR @DuraiKv pic.twitter.com/rVu5IxGRZp

— Prince Pictures (@Prince_Pictures) October 25, 2022