Jailer Movie | తమిళ్ సూపర్ స్టార్ రజినీకాంత్ (Rajinikanth) నటించిన పాన్ ఇండియా చిత్రం ‘జైలర్’ (Jailer). ఇటీవలే విడుదలైన ఈ చిత్రం బాక్సాఫీసువద్ద దూసుకెళ్తోంది. కలెక్షన్ల పరంగా కాసుల వర్షం కురిపిస్తోంది. నెల్సన్ కుమార్ (Nelson Dilipkumar) దర్శకత్వం వహించిన ఈ సినిమాకు కళానిధి మారన్ (kalanithi Maran) నిర్మించారు. ఇప్పటి వరకు ప్రపంచ వ్యాప్తంగా ఈ సినిమా రూ.600 కోట్లకు పైగా గ్రాస్ కలెక్షన్లు రాబట్టింది. ఈ సందర్భంగా చిత్ర బృందం జైలర్ సక్సెస్ను ఎంజాయ్ చేస్తోంది.
సినిమా విజయంతో నిర్మాత కళానిధి మారన్ ఫుల్ ఖుషీగా ఉన్నారు. సినిమా సక్సెస్తో పాటు లాభాలు కూడా భారీగా రావడంతో అందులో నుంచి కొంత భాగాన్ని హీరో రజినీ కాంత్, దర్శకుడు నెల్సన్కు వాటాగా ఇచ్చారు. నిన్న రజినీకాంత్ను కలిసిన కళానిధి దాదాపు రూ.1.24 కోట్ల విలువచేసే BMW X7 సిరీస్ కారును బహుమతిగా అందించిన విషయం తెలిసిందే. దాంతో పాటు ప్రాఫిట్స్లో కొంత మొత్తాన్ని చెక్కు రూపంలో అందించారు. తాజాగా నెల్సన్కు కూడా కళానిధి ఓ ఖరీదైన కారును గిఫ్ట్గా అందజేశారు. పోర్చే లేటెస్ట్ కారు (Porsche Car)ను బహుమతిగా అందజేశారు. దాంతోపాటు సినిమా లాభాల్లో కొంత మొత్తాన్ని చెక్కురూపంలో ఇచ్చారు. నెల్సన్కు కారును గిఫ్ట్గా అందిస్తున్న వీడియోను సన్ పిక్చర్స్ సంస్థ ట్విట్టర్లో పోస్టు చేసింది.
To celebrate the grand success of #Jailer, Mr.Kalanithi Maran presented the key of a brand new Porsche car to @Nelsondilpkumar #JailerSuccessCelebrations pic.twitter.com/kHTzEtnChr
— Sun Pictures (@sunpictures) September 1, 2023
కాగా, జైలర్ విజయంతో తనకు గిఫ్ట్ ఇచ్చినందుకు కళానిధికి నెల్సన్ సోషల్ మీడియా ద్వారా ధన్యవాదాలు తెలిపారు. ‘జైలర్ విజయం కోసం ఈ అందమైన కారును నాకు బహుమతిగా ఇచ్చినందుకు ధన్యవాదాలు కళానిధి మారన్ సర్. మీతో కలిసి పనిచేయడం గర్వంగా, సంతోషంగా ఉంది. చెక్ నిజంగా ఆశ్చర్యానికి గురి చేసింది’ అంటూ రాసుకొచ్చారు.
Thank u very much Mr #kalanithimaran sir for being so generous and gifting me this beautiful car for the success of #jailer really proud and happy to have been associated with u and the cheque was really an add on surprise ❤️🤗🙏 @rajinikanth sir ❤️🤗 @sunpictures 🙏 https://t.co/4ks416fufN
— Nelson Dilipkumar (@Nelsondilpkumar) September 1, 2023
రజినీకాంత్ నటించిన ‘జైలర్’ చిత్రం ఆగస్టు 10వ తేదీన ప్రేక్షకుల ముందుకు వచ్చిన విషయం తెలిసిందే. నెల్సన్ కుమార్ దర్శకత్వం వహించిన ఈ సినిమాకు అనిరుధ్ మ్యూజిక్ అందించారు. యాక్షన్ ఎంటర్టైనర్గా తెరకెక్కిన ఈ సినిమాను సన్ పిక్చర్స్ బ్యానర్పై కళానిధి మారన్ అత్యంత భారీ బడ్జెట్తో నిర్మించాడు. మోహన్ లాల్, జాకీ ష్రాఫ్, రమ్యకృష్ణ, తమన్నా, సునీల్, ప్రియాంక అరుళ్మోహన్, కన్నడ స్టార్ శివరాజ్ వంటి స్టార్స్ ఈ చిత్రంలో నటించారు.
Mr.Kalanithi Maran congratulated @Nelsondilpkumar and handed over a cheque to him, celebrating the Mega Blockbuster #Jailer #JailerSuccessCelebrations pic.twitter.com/b6TGnGaFd6
— Sun Pictures (@sunpictures) September 1, 2023
ఇదిలా ఉండగా.. జైలర్ సినిమా సరికొత్త రికార్డు నెలకొల్పింది. సౌత్లోని అన్ని రాష్ట్రాల్లో రూ.50 కోట్లకు పైగా గ్రాస్ కలెక్షన్లు సాధించి సరికొత్త రికార్డు నెలకొల్పింది. తమిళనాడు సహా రెండు తెలుగు రాష్ట్రాలు, కర్ణాటక, కేరళ రాష్ట్రాల్లో రూ.50 కోట్లు కలెక్ట్ చేసిన తొలి నాన్-సీక్వెల్ ఇండియన్ సినిమాగా రికార్డు సృష్టించింది. ఇక ఇప్పటికే తెలుగులో అత్యధిక ప్రాఫిట్స్ వచ్చిన డబ్బింగ్ సినిమా చరిత్ర సృష్టించగా.. కర్ణాటకలో ఈ ఏడాది హైయెస్ట్ గ్రాసర్గా కన్నడ సినిమాలను కూడా దాటేసి టాప్ ప్లేస్లో నిల్చుంది. హిందీ మార్కెట్లోనే కాస్త డల్ నెంబర్స్ కనిపిస్తున్నాయి కానీ.. మిగితా అన్ని భాషల్లో జైలర్ విధ్వంసమే కొనసాగుతుంది.
Also Read..
Jailer Movie OTT | ఓటీటీలోకి రజనీకాంత్ ‘జైలర్’.. స్ట్రీమింగ్ ఎప్పుడంటే
La Tomatina | స్పెయిన్లో ఉత్సాహంగా టమాటా ఫెస్టివల్.. వీడియో
Hari Hara Veera Mallu | ఊరమాస్ లుక్లో పవన్ కల్యాణ్.. మతిపోగొట్టేలా హరిహర వీరమల్లు కొత్త సర్ప్రైజ్