ప్రతిక్షణం ఆనందమే..!

తాను ప్రేమలో ఉన్నాననే విషయాన్ని చెప్పకనే చెప్పింది అందాల భామ జాన్వీకపూర్‌. ముంబయికి చెందిన ప్రముఖ వ్యాపారవేత్త కుమారుడైన ఒర్హాన్‌తో జాన్వీకపూర్‌ గత కొంతకాలంగా సన్నిహితంగా ఉంటున్నది

తాను ప్రేమలో ఉన్నాననే విషయాన్ని చెప్పకనే చెప్పింది అందాల భామ జాన్వీకపూర్‌. ముంబయికి చెందిన ప్రముఖ వ్యాపారవేత్త కుమారుడైన ఒర్హాన్‌తో జాన్వీకపూర్‌ గత కొంతకాలంగా సన్నిహితంగా ఉంటున్నది. విదేశీ విహారయాత్రల్లో ఈ జంట చెట్టపట్టాలేసుకొని షికారు చేసిన ఫొటోలు సోషల్‌మీడియాలో వైరల్‌గా మారాయి. ఒర్హాన్‌ తనకు మంచి స్నేహితుడని చాలా సందర్భాల్లో చెప్పింది జాన్వీకపూర్‌. తాజాగా ఓ మాసపత్రికకు ఇచ్చిన ఇంటర్వ్యూలో ఒర్హాన్‌ గురించి ఈ భామ మాట్లాడిన మాటలు విన్నవారు ఈ జంట ప్రేమలో ఉన్నారనే నిర్ణయానికొస్తున్నారు.

ఒర్హాన్‌ తనకు కేవలం స్నేహితుడు మాత్రమే కాదని , అతను పక్కనుంటే ఏదో తెలియని భరోసాగా ఉంటుందని జాన్వీకపూర్‌ చెప్పింది. ఆమె మాట్లాడుతూ ‘అతని సమక్షంలో ప్రతి క్షణం ఆనందంగా అనిపిస్తుంది. అతనితో ఏ విషయాన్నైనా పంచుకుంటాను. ఏదైనా సహాయం చేయాల్సివస్తే ఒర్హాన్‌ ఎప్పుడూ ముందుంటాడు. అతను పక్కనుంటే మా ఇంట్లో ఉన్నాననే సురక్షితమైన భావన కలుగుతుంది’ అని చెప్పింది. జాన్వీకపూర్‌ మాటలు పరోక్షంగా తన మనసులోని ప్రేమను వ్యక్తం చేసేలా ఉన్నాయని, ఈ జంట ఖచ్చితంగా రిలేషన్‌లో ఉన్నారని అభిమానులు భావిస్తున్నారు.