IPL 2025 | ఐసీయూలో అమ్మ.. ఐపీఎల్ ప్ర‌ద‌ర్శ‌న ర‌ద్దు చేసుకున్న న‌టి..!

IPL 2025 : ఇండియ‌న్ ప్రీమియ‌ర్ లీగ్ 18వ సీజ‌న్‌ సంద‌ర్భంగా అభిమానులను ఎంట‌ర్‌టైన్ చేసేందుకు భార‌త క్రికెట్ బోర్డు సినీ తార‌ల‌తో ప్ర‌ద‌ర్శ‌న‌లు ఇప్పిస్తోంది. ఈ క్ర‌మంలోనే బాలీవుడ్ న‌టి జాక్వెలిన్ ఫెర్నాండేజ్‌కు బంప‌ర్ ఆఫ‌ర్ వ‌చ్చింది. కానీ, త‌ను ఆ ఛాన్స్‌ను వ‌దులుకుంది. ఎందుకంటే..?

March 25, 2025 / 10:27 PM IST

IPL 2025 | ఐసీయూలో అమ్మ.. ఐపీఎల్ ప్ర‌ద‌ర్శ‌న ర‌ద్దు చేసుకున్న న‌టి..!

IPL 2025 : ఇండియ‌న్ ప్రీమియ‌ర్ లీగ్ 18వ సీజ‌న్‌లో భారీ స్కోరింగ్ మ్యాచ్‌లు, ఉత్కంఠ పోరాటాలు ఫ్యాన్స్‌ను అల‌రిస్తున్నాయి. ఈ నేప‌థ్యంలో థ్రిల్లింగ్ మ్యాచ్‌ల‌ను క‌ళ్లారా చూసేందుకు స్టేడియాల‌కు అభిమానులు పోటెత్తుతున్నారు. వేల‌కు వేలు పెట్టి టికెట్లు కొని.. మైదానంలో వాలిపోతున్నారు ఫ్యాన్స్. అందుకే వీళ్ల‌ను ఎంట‌ర్‌టైన్ చేసేందుకు భార‌త క్రికెట్ బోర్డు సినీ తార‌ల‌తో ప్ర‌ద‌ర్శ‌న‌లు ఇప్పిస్తోంది. ఈ క్ర‌మంలోనే బాలీవుడ్ న‌టి జాక్వెలిన్ ఫెర్నాండేజ్‌కు బంప‌ర్ ఆఫ‌ర్ వ‌చ్చింది. అయితే.. అనారోగ్యంతో బాధ‌ప‌డుతున్న అమ్మను చూసుకునేందుకు న‌టి త‌న ఫెర్మార్మెన్స్‌ను ర‌ద్దు చేసుకుంద‌ని స‌మాచారం.

గువాహ‌టి వేదిక‌గా కోల్‌క‌తా నైట్ రైడ‌ర్స్, రాజ‌స్థాన్ రాయ‌ల్స్ మార్చి 26, బుధ‌వారం త‌ల‌ప‌డ‌నున్నాయి. ఈ మ్యాచ్‌కు ముందు జాక్వెలిన్ ఫెర్నాండేజ్ ప్ర‌ద‌ర్శ‌న ఇవ్వాల్సి ఉంది. కానీ, ఆమె త‌ల్లి కిమ్ అనారోగ్యంతో ఆస్ప‌త్రి పాల‌య్యారు. ముంబైలోని లీలావ‌తి హాస్పిట‌ల్లో చేరిన ఆమెకు ఐసీయూలో ఉంచి చికిత్స అందిస్తున్నారు వైద్యులు.

View this post on Instagram

A post shared by Jacqueline Fernandez (@jacquelienefernandez)

దాంతో, త‌న కెరియ‌ర్ ఆసాంతం వెన్నుత‌ట్టి ప్రోత్స‌హించిన‌ అమ్మ‌ను ద‌గ్గ‌ర ఉండి చూసుకోవాల‌నుకుంది జాక్వెలిన్. ఈ విష‌యాన్ని ఐపీఎల్ నిర్వాహ‌కుల‌కు తెలియజేసిన అందాల తార‌.. తాను గువాహ‌తిలో స్టేజ్ షోకు అందుబాటులో ఉండ‌న‌ని వెల్ల‌డించింది. ఆస్ప‌త్రిలో త‌ల్లితో పాటు ఉన్న‌ జాక్వెలిన్‌ను ప‌లువురు బాలీవుడ్ హీరోలు ప‌రామ‌ర్శించేందుకు వెళుతున్నారు. ఈ క‌ష్ట స‌మ‌యంలో ఆమెకు ధైర్యం చెప్పినవాళ్ల‌లో కండ‌ల వీరుడు స‌ల్మాన్ ఖాన్ ఉన్నాడు.