బాలీవుడ్ దివంగత నటుడు ఇర్ఫాన్ఖాన్.. తన విలక్షణ నటనతో ఎంతో మంది అభిమానులను అలరించాడు. వైవిధ్యమైన పాత్రలతో అభిమానులను సొంతం చేసుకున్నాడు. ఇప్పుడు అతని పెద్ద కొడుకు బాబిల్ అయితే నటన కోసం చదువును మధ్యలోనే మానేస్తున్నాడు. ఈ విషయాన్ని బాబిల్ తన సోషల్ మీడియా పోస్ట్లో చెప్పాడు. యూనివర్సిటీ ఆఫ్ వెస్ట్మిన్స్టర్లో గ్రాడ్యుయేషన్ చేస్తున్న అతడు.. డ్రాపౌట్ అవుతున్నట్లు ఆ పోస్ట్లో తెలిపాడు.
ప్రస్తుతానికి పూర్తిగా నటనపైనే దృష్టి సారించాలని అనుకుంటున్నాను. గుడ్బై యూనివర్సిటీ ఆఫ్ వెస్ట్మిన్స్టార్ అని పోస్ట్ చేశాడు. నెట్ఫ్లిక్స్ నిర్మిస్తున్న ఖాలా మూవీలో బాబిల్ లీడ్ రోల్లో కనిపించనున్నాడు. అంతేకాదు పింక్ డైరెక్టర్ షూజిత్ సిర్కార్తో కలిసి మరో మూవీ చేస్తున్నట్లు అతడు ఈ మధ్యే చెప్పాడు.