నెలకో సినిమా విడుదల చేస్తాం!

ఈ ఏడాది తమ సంస్థ 50 చిత్రాల మైలురాయిని అందుకుంటుందనే నమ్మకం ఉందని, ఇక నుంచి ప్రతీ నెలా ఓ చిత్రాన్ని విడుదల చేయబోతున్నామని చెప్పారు అగ్ర నిర్మాత టీజీ విశ్వప్రసాద్‌. పీపుల్‌ మీడియా ఫ్యాక్టరీ పతాకంపై రవితేజ కథానాయకుడిగా ఆయన నిర్మించిన ‘ఈగల్‌' చిత్రం ఈ నెల 9న విడుదలకానుంది.

ఈ ఏడాది తమ సంస్థ 50 చిత్రాల మైలురాయిని అందుకుంటుందనే నమ్మకం ఉందని, ఇక నుంచి ప్రతీ నెలా ఓ చిత్రాన్ని విడుదల చేయబోతున్నామని చెప్పారు అగ్ర నిర్మాత టీజీ విశ్వప్రసాద్‌. పీపుల్‌ మీడియా ఫ్యాక్టరీ పతాకంపై రవితేజ కథానాయకుడిగా ఆయన నిర్మించిన ‘ఈగల్‌’ చిత్రం ఈ నెల 9న విడుదలకానుంది. ఈ సందర్భంగా శనివారం నిర్మాత టీజీ విశ్వప్రసాద్‌ పాత్రికేయులతో ముచ్చటించారు. తాజా చిత్రాలతో పాటు తమ సంస్థ భవిష్యత్తు ప్రణాళికలను వివరించారు.

• ఈ సినిమాకు ముందు రవితేజతో ‘ధమాకా’ చేశాం. అది పూర్తి మాస్‌ ఎంటర్‌టైనర్‌ అయితే..‘ఈగల్‌’ క్లాస్‌ అండ్‌ ైస్టెలిష్‌ యాక్షన్‌ సినిమాగా ఆకట్టుకుంటుంది. ఇందులో వినోదానికి కొదువుండదు. రవితేజ పాత్ర చాలా కొత్తగా ఉంటుంది. ఈ కథలో అన్ని వాణిజ్య హంగులతో పాటు అంతర్లీనంగా చక్కటి సందేశం ఉంటుంది.
• రవితేజతో మా సంస్థకు చక్కటి అనుబంధం ఉంది. అందుకే ఆయనతో వరుసగా సినిమాలు చేస్తున్నాం. దర్శకుడు కార్తీక్‌ ఘట్టమనేని ‘ఈగల్‌’ చిత్రాన్ని ైస్టెలిష్‌గా ప్రజెంట్‌ చేశారు. ఆయన మేకింగ్‌ ఎక్స్‌ట్రార్డినరీగా అనిపించింది.
• తొలుత ఈ చిత్రాన్ని జనవరి 13న విడుదల చేయాలనుకున్నాం. ఆ తర్వాత ఫిల్మ్‌ ఛాంబర్‌ నిర్ణయం మేరకు, పరిశ్రమ మేలుని దృష్టిలో పెట్టుకొని వాయిదా వేసుకున్నాం. ఈ సినిమాకు అద్భుతమైన బిజినెస్‌ జరిగింది. మంచి కంటెంట్‌ ఉన్న సినిమా కాబట్టి తప్పకుండా ప్రేక్షకులకు రీచ్‌ అవుతుందనే నమ్మకం ఉంది
• మా సంస్థ నుంచి ఏడాదికి 15 సినిమాలు విడుదలవుతాయి. ప్రస్తుతం ఆరు చిత్రాలు నిర్మాణంలో ఉన్నాయి. వీటితో పాటు ఈటీవీ విన్‌ కోసం కొన్ని సినిమాలను నిర్మిస్తున్నాం. అమెరికాలో నాలుగు చిత్రాలను తెరకెక్కిస్తున్నాం. ఇక నుంచి ప్రతి నెలా మా సంస్థ నుంచి ఒక చిత్రం విడుదల చేయబోతున్నాం. ప్రభాస్‌ ‘రాజా సాబ్‌’ రిలీజ్‌ డేట్‌ను త్వరలో ప్రకటిస్తాం.