తెలుగు ప్రేక్షకుల(Telugu Cinema)కు రంగస్థలం (Rangasthalam) లాంటి బ్లాక్ బాస్టర్ హిట్ను అందించారు రాంచరణ్ (Ram Charan), సుకుమార్. ఈ క్రేజీ కాంబినేషన్కు సిల్వర్ స్క్రీన్పై అద్బుతమైన స్పందన వచ్చింది. ఈ ఇద్దరి కాంబినేషన్ మళ్లీ రాబోతుంది అంటూ ఇప్పటికే వార్తలు కూడా వచ్చాయి. అయితే దీనిపై తెగ ఆలోచిస్తున్న సినీ జనాలకు స్టార్ డైరెక్టర్ ఎస్ఎస్ రాజమౌళి (SS Rajamouli) క్లారిటీ ఇచ్చాడు. ఆర్ఆర్ఆర్ ప్రమోషనల్ ఇంటర్వ్యూలో చరణ్,సుక్కూప్రాజెక్టు గురించి జక్కన్న మాట్లాడిన మాటలు హల్ చల్ చేస్తున్నాయి.
చరణ్కు సుకుమార్ (Sukumar) కొత్త సినిమా ఓపెనింగ్ సీక్వెన్స్ ను వినిపించాడు. నేను ఖచ్చితంగా దాని గురించి మాట్లాడను..ఒకవేళ మాట్లాడితే సుకుమార్కు గుండెపోటు వస్తుంది. కానీ చరణ్కు చెప్పిన ఆ ఒక్క సీన్ చాలా కష్టమైనదని, అద్బుతంగా ఉంటుందని చెప్పుకొచ్చాడు. జక్కన్న తన స్నేహితుడు సుకుమార్ కొత్త మూవీ అప్ డేట్ను ఇలా సర్ప్రైజ్ ప్రకటనతో ఇచ్చి అందరిలో జోష్ నింపుతున్నాడు.
లేటెస్ట్ అప్ డేట్తో రంగస్థలం తర్వాత రాబోతున్న ఈ సినిమా ఎలాంటి స్టోరీతో రాబోతుందని ఇప్పటినుంచే తెగ చర్చించుకుంటున్నారు సినీ లవర్స్. ప్రస్తుతం శంకర్ డైరెక్షన్ లో ఆర్సీ 15 మూవీతో బిజీగా ఉన్నాడు చరణ్. ఈ సినిమా తర్వాత RC16గా సుకుమార్ ప్రాజెక్టు ఉండబోతుందని టాక్.