Dhanush – Jr NTR | ఎన్టీఆర్‌తో క‌లిసి మల్టీ స్టారర్ చేయాల‌ని ఉంది : ధనుష్‌

Raayan Movie | త‌మిళ న‌టుడు ధనుష్‌ (Dhanush) స్వీయ దర్శకత్వంలో వ‌స్తున్న తాజా చిత్రం రాయ‌న్ (Raayan). సందీప్ కిష‌న్‌, మ‌ల‌యాళం న‌టుడు కాళిదాస్ జ‌య‌రాం ఈ చిత్రంలో కీల‌క పాత్ర‌ల్లో న‌టిస్తున్నారు. ఇప్ప‌టికే మూవీ నుంచి టీజ‌ర్‌తో పాటు ట్రైల‌ర్‌లు విడుద‌ల చేయ‌గా.. ఆక‌ట్టుకున్నాయి.

Raayan Movie | త‌మిళ న‌టుడు ధనుష్‌ (Dhanush) స్వీయ దర్శకత్వంలో వ‌స్తున్న తాజా చిత్రం రాయ‌న్ (Raayan). సందీప్ కిష‌న్‌, మ‌ల‌యాళం న‌టుడు కాళిదాస్ జ‌య‌రాం ఈ చిత్రంలో కీల‌క పాత్ర‌ల్లో న‌టిస్తున్నారు. ఇప్ప‌టికే మూవీ నుంచి టీజ‌ర్‌తో పాటు ట్రైల‌ర్‌లు విడుద‌ల చేయ‌గా.. ఆక‌ట్టుకున్నాయి. ఇక ఈ సినిమాను జూలై 26న‌ ప్రేక్ష‌కుల ముందుకు తీసుకురానున్న‌ట్లు చిత్ర‌యూనిట్ ప్ర‌క‌టించింది. విడుద‌ల తేదీ ద‌గ్గ‌ర‌ప‌డ‌టంతో ఆదివారం హైద‌రాబాద్‌లో భారీ ఎత్తున్న ప్రీ రిలీజ్ ఈవెంట్‌ను నిర్వ‌హించారు మేకర్స్. ఈ సందర్భంగా వేడుక‌లో ధనుశ్ పలు ఆసక్తికర విషయాలను షేర్ చేసుకున్నారు.

యాంక‌ర్ అడిగిన ప్ర‌శ్న‌ల‌కు స‌మాధానమిస్తూ.. టాలీవుడ్​లో తన ఫేవరెట్ హీరో ప‌వ‌న్ క‌ళ్యాణ్ అని వెల్ల‌డించారు. ‘ఐ లవ్ సినిమా, ఐ లవ్ పవన్ కళ్యాణ్ సర్’ అంటూ చెప్పుకొచ్చారు. ఇక ధనుశ్​ చేసిన ఈ వ్యాఖ్య‌ల‌కు ఆడిటోరియం అంతా దద్దరిల్లిపోయింది. అనంత‌రం యాంక‌ర్ ‘ఒకవేళ మల్టీ స్టారర్ చేయాలంటే ఎవరితో చేస్తారు? సూపర్ స్టార్ మహేశ్​ బాబు, జూనియర్ ఎన్టీఆర్, రామ్ చరణ్, అల్లు అర్జున్. వీరిలో ఎవరితో చేస్తారు? అని అడుగుతుంది. దీనికి రిప్ల‌య్ ఇస్తూ.. జూనియర్ ఎన్టీఆర్ అని సమాధానం ఇచ్చారు ధనుశ్​. ఇక ఆన్స‌ర్ చెప్ప‌డంతో యంగ్ టైగర్ ఎన్టీఆర్ ఫ్యాన్స్‌తో పాటు మూవీ ల‌వ‌ర్స్ ఆనందం వ్య‌క్తం చేశారు. ప్ర‌స్తుతం ఇందుకు సంబంధించిన వీడియో వైర‌ల్ అవుతుంది.

I love cinema and I love Pawan Kalyan Sir From Tollywood, says Dhanush for the question ‘Favorite Hero From Tollywood?’ pic.twitter.com/sXpVrW8WNm

— Aakashavaani (@TheAakashavaani) July 21, 2024

ఈ చిత్ర క‌థ విష‌యానికి వ‌స్తే.. అతనో సాధారణ వ్యక్తి. మద్రాస్‌లోని ఓ హోటల్‌లో చెఫ్‌గా పనిచేస్తుంటాడు. కానీ అతని గతం మాత్రం పగతో రగిలిపోతుంటుంది. ప్రతీకారం తీర్చుకునే సమయం కోసం ఎదురుచూస్తుంటాడు. ఇంతకి ఆ వ్యక్తి ప్రతీకారం ఎవరి మీద? పేరు మోసిన గ్యాంగ్‌స్టర్‌ అయిన అతను హోటల్‌లో చెఫ్‌గా ఎందుకు పనిచేయాల్సి వచ్చింది? ఈ ప్రశ్నలకు సమాధానం దొరకాలంటే ‘రాయన్‌’ సినిమా చూడాల్సిందే అని చెబుతోంది చిత్ర బృందం.

ఈ సినిమా తమిళం, తెలుగు, మలయాళ, కన్నడ భాషల్లో విడుదల కానుంది. ఈ చిత్రంలో అపర్ణ బాలమురళి, విష్ణువిశాల్‌, దుషారా విజయన్‌, సెల్వ రాఘవన్‌, ఎస్‌జే సూర్య కీలక పాత్రలు పోషిస్తున్నారు. ఈ సినిమాతో పాటు ధ‌నుష్ ప్ర‌స్తుతం శేఖ‌ర్ క‌మ్ముల ద‌ర్శ‌క‌త్వంలో కుబేరా అనే సినిమా చేస్తున్నాడు.

Also Read.. 

• Bhaiyya Ji | ఓటీటీలోకి మనోజ్‌ బాజ్‌పాయ్ ‘భయ్యాజీ’.. స్ట్రీమింగ్ ఎప్పుడంటే.?
• Kamala Harris: 85 నిమిషాల పాటు దేశాధ్య‌క్షురాలి బాధ్య‌త‌లు నిర్వ‌ర్తించిన క‌మ‌లా హ్యారిస్‌
• YS Jagan | పోస్టర్లు గుంజుకుని చించే హక్కు ఎవరిచ్చారు?.. ఏపీ అసెంబ్లీ వద్ద పోలీసులపై వైసీపీ చీఫ్‌ జగన్‌ ఆగ్రహం