ప‌వ‌న్ క‌ళ్యాణ్ వ‌న్ మ్యాన్ ఆర్మీ.. ప‌వ‌ర్‌స్టార్‌ను పొగ‌డ్త‌ల‌తో ముంచెత్తిన నిధి అగ‌ర్వాల్‌

December 29, 2021 / 07:15 PM IST

Nidhhi Agerwal comments on Power star Pawan Kalyan | తెలుగు ఇండ‌స్ట్రీకి వ‌చ్చి చాలా రోజులైన స‌రైన హిట్ అందుకోలేక‌పోతున్న‌ది నిధి అగ‌ర్వాల్‌. 2019లో వ‌చ్చిన ఇస్మార్ట్ శంక‌ర్ సినిమా త‌ప్ప ఈమె ఖాతాలో చెప్పుకోద‌గ్గ హిట్ లేదు. అయిన‌ప్ప‌టికీ ఈమె చేతిలో రెండు తెలుగు సినిమాలు ఉన్నాయి. అందులో ఒక‌టి మ‌హేశ్‌బాబు మేన‌ల్లుడు హీరోగా వ‌స్తున్న హీరో సినిమా అవ్వ‌గా.. రెండోది ప‌వ‌న్‌క‌ళ్యాణ్‌తో హరిహ‌ర‌వీర‌మ‌ల్లు సినిమా. ఇప్పుడు నిధి ఆశ‌ల‌న్నీ వీటిపైనే ఉన్నాయి. ముఖ్యంగా హ‌రిహ‌ర వీర‌మ‌ల్లు సినిమా త‌న కెరీర్‌ను మ‌లుపు తిప్పుతుంద‌ని ఆశ‌ప‌డుతున్న‌ది. ఈ క్ర‌మంలో ప‌వ‌ర్‌స్టార్‌ ప‌వ‌న్ క‌ళ్యాణ్‌పై, ఆయ‌న‌తో న‌టించ‌డంపై ఆస‌క్తిక‌ర‌మైన వ్యాఖ్య‌లు చేసింది నిధి అగ‌ర్వాల్‌.

నిధి అగ‌ర్వాల్‌ చేసినవి త‌క్కువ‌ సినిమాలే అయినా.. సోష‌ల్‌మీడియాలో యాక్టివ్‌గా ఉంటూ ఫ్యాన్స్‌కు చేరువ‌గా ఉంటుంది. త‌న ఫొటోలు, వీడియోలు షేర్ చేస్తూ అభిమానుల‌కు ద‌గ్గ‌ర‌వుతుంది. ఈ క్ర‌మంలోనే సోష‌ల్‌మీడియాలో ఆస్క్‌నిధి అని అభిమానుల‌తో చిట్‌చాట్ సెష‌న్ పెట్టింది. అందులో చాలామంది ప‌వ‌న్ క‌ళ్యాణ్‌తో హ‌రిహ‌ర‌వీర‌మ‌ల్లు సినిమాలో న‌టించ‌డంపైనే ప్ర‌శ్న‌లు అడిగారు. వాటికి ఏ మాత్రం విసుక్కోకుండా స‌మాధాన‌మిచ్చింది నిధి అగ‌ర్వాల్‌. ప‌వ‌న్ క‌ళ్యాణ్‌తో న‌టించ‌డం త‌న‌ అదృష్టం. ఆయ‌న వ‌న్‌మ్యాన్ ఆర్మీ.. దేవుడి ఆశీస్సులు క‌లిగిన వ్య‌క్తి పీకే సార్‌ అని ప‌వ‌ర్‌స్టార్‌ను పొగిడేసింది. ఈ ఇస్మార్ట్ బ్యూటీ చెప్పిన జ‌వాబుతో ఫ్యాన్స్ కూడా ఫుల్ ఖుషీ అయిపోయారు. మొత్తానికి ఈ కామెంట్స్ సోష‌ల్‌మీడియాలో తెగ వైర‌ల్‌గా మారాయి. ఇక క్రిష్ ద‌ర్శ‌క‌త్వంలో వ‌స్తున్న హ‌రిహ‌ర వీర‌మ‌ల్లు సినిమా 2022లో విడుద‌ల కానుంది. మ‌రి ఈ సినిమా అయినా అదృష్టాన్ని తెచ్చిపెడుతుందో చూడాలి..

My most favourite and terrific performer.. one man army and blessed by god.. PK sir 🤍 #AskNidhhi https://t.co/gsoEAmyR6V
— Nidhhi Agerwal (@AgerwalNidhhi) December 28, 2021