Freida Pinto : బేబీ షవర్‌ ఫంక్షన్‌ జరుపుకున్న ఫ్రీదా పింటో

Freida Pinto : ‘స్లమ్‌డాగ్ మిలియనీర్’ సినిమాతో వెండి తెరపై 2008 లో ఆరంగేట్రం చేసి ఎందరికో అభిమాన నటిగా మారిపోయారు ఫ్రీదా పింటో. ఈ సినిమాతో...

October 13, 2021 / 02:01 PM IST

Freida Pinto : బేబీ షవర్‌ ఫంక్షన్‌ జరుపుకున్న ఫ్రీదా పింటో

(Freida Pinto) ‘స్లమ్‌డాగ్ మిలియనీర్’ సినిమాతో వెండి తెరపై 2008 లో ఆరంగేట్రం చేసి ఎందరికో అభిమాన నటిగా మారిపోయారు ఫ్రీదా పింటో. ఈ సినిమాతో మంచి నటిగా పేరుతెచ్చుకున్న ఫ్రీదా పింటో.. ఆర్ట్‌ హౌజ్‌ సంస్థతో జతకట్టి పలు అమెరికా, బ్రిటన్‌ సినిమాల్లో నటించారు. ఈ ఏడాది ఇంట్రూషన్‌, నీడిల్‌ ఇన్‌ ఏ టైంస్టాక్‌ సినిమాల్లో నటించారు. అదేవిధంగా 2013 లో ఆమె నటించిన ‘గొరిల్లా’ మ్యూజిక్‌ వీడియో ఎంతో ప్రజాదరణ పొందింది. 2018 లో లవ్‌ సోనియా సినిమాకు గాను ఉత్తమ సపోర్టింగ్‌ యాక్ట్రెస్‌ అవార్డును అందుకున్నారు.

ముంబైలో జన్మించిన ఫ్రీదా పింటో.. సాహస ఫొటోగ్రాఫర్‌ కోరీ ట్రాన్‌తో 2019 లో నిశ్చితార్థం జరిగింది. మొదటి బిడ్డ కోసం ఎదురుచూస్తున్నట్లు ఈ జంట జూన్‌ నెలలో ప్రకటించారు. కాగా, సన్నిహితుల సమక్షంలో బేబీ షవర్ ఫంక్షన్‌ను ఫ్రీదా ఘనంగా జరుపుకున్నారు. ‘త్వరలో బేబీకి జన్మనివ్వబోతున్నాను. నేను చాలా అదృష్టవంతురాలిగా భావిస్తున్నాను’ అని తన బేబీ షవర్‌ ఫొటోలను ఇన్‌స్టాగ్రాం వేదికగా పోస్ట్‌ చేసి వెల్లడించింది.

ఈ ప్రత్యేక వేడుక ఫొటోల్లో ఫ్రీదా సాధారణ తెల్లటి దుస్తుల్లో.. చెవిపోగులు, డ్యూయల్ నెక్లెస్, గోల్డెన్ బ్యాంగిల్స్‌ ధరించి అందంగా కనిపిస్తున్నది. ‘ఈ అందమైన బేబీ షవర్‌ను జ్ఞాపకం చేసుకుంటూ నాకు ప్రత్యేక రోజును చేసిన అద్భుతమైన సోదరీమణులకు ధన్యవాదాలు’ అని ఫొటో కింద రాశారు. ఇందులో రిచా చద్దా, నర్గీస్ ఫక్రి పేర్లు కూడా ఉన్నాయి.