అతను నన్ను తిరిగి కొట్టాడు!
జీవితంలో తనకు ఎదురైన చేదు అనుభవాలను ఇటీవల ఓ ఇంటర్వ్యూలో గుర్తుచేసుకున్నారు దంగల్‌ భామ ఫాతిమా సనాషేక్‌. ఆమె మాట్లాడుతూ ‘గతంలో ఓ వ్యక్తి నన్ను ఇబ్బందికరంగా తాకాడు. అతను అసభ్యకరంగా ప్రవర్తించడంతో నాకు సహనం నశించి అతని చెంప ఛెళ్లుమనిపించాను.
జీవితంలో తనకు ఎదురైన చేదు అనుభవాలను ఇటీవల ఓ ఇంటర్వ్యూలో గుర్తుచేసుకున్నారు దంగల్‌ భామ ఫాతిమా సనాషేక్‌. ఆమె మాట్లాడుతూ ‘గతంలో ఓ వ్యక్తి నన్ను ఇబ్బందికరంగా తాకాడు. అతను అసభ్యకరంగా ప్రవర్తించడంతో నాకు సహనం నశించి అతని చెంప ఛెళ్లుమనిపించాను. అతను వెంటనే నన్ను తిరిగి కొట్టాడు. నిజంగా నేను షాక్‌ అయ్యాను. తప్పు చేసింది అతను. నేను బాధితురాలిని. నన్నెలా కొడుతాడు? నిజంగా ఆ సంఘటన నన్నెంతో బాధించింది.
ఇప్పటికీ ఆ క్షణం గుర్తొస్తే చెప్పలేనంత కోపం వస్తుంది నాకు. ఇలాగే లాక్‌డౌన్‌ టైమ్‌లో ఓసారి సైకిల్‌ రైడ్‌కి వెళ్లాలనిపించి, మాస్క్‌ ధరించి ముంబయ్‌ రోడ్లమీదకు వెళ్లాను. నేను వెళ్తూ ఉంటే ఓ టెంపో డ్రైవర్‌ నన్ను ఫాలో అయ్యాడు. హారన్‌ మోగిస్తూ, ఇష్టం వచ్చినట్టు పిలుస్తూ వెంటాడు. అతడి మాటలు నన్నెంతో బాధించాయి. ఈ సందర్భంగా సాటి స్త్రీలకు నేను చెప్పేదొక్కటే. మనకేదైనా సమస్య ఎదురైతే.. దాన్ని మనమే ఎదుర్కోవాలి. మానసికంగా ధృఢంగా ఉంటేనే అది మనకు సాధ్యమవుతుంది.’ అంటూ చెప్పుకొచ్చారు ఫాతిమా సనాఫేక్‌.
Read Today's Latest Cinema News in Telugu and Telugu News
- Follow Us :
-
