రాజాసాబ్‌ ట్రీట్‌ ఆన్‌ ది వే

పానిండియా సూపర్‌స్టార్‌ ప్రభాస్‌ ‘ది రాజాసాబ్‌' సంక్రాంతి కానుకగా జనవరి 9న విడుదల కానున్న విషయం తెలిసిందే. విడుదల తేదీ దగ్గర పడుతుండటంతో ప్రమోషన్స్‌ను మేకర్స్‌ కొత్త పుంతలు తొక్కిస్తున్నారు. ఇందులో భాగంగా చిత్ర దర్శకుడు మారుతి రీసెంట్‌గా ఓ వీడియోను విడుదల చేశారు.

పానిండియా సూపర్‌స్టార్‌ ప్రభాస్‌ ‘ది రాజాసాబ్‌’ సంక్రాంతి కానుకగా జనవరి 9న విడుదల కానున్న విషయం తెలిసిందే. విడుదల తేదీ దగ్గర పడుతుండటంతో ప్రమోషన్స్‌ను మేకర్స్‌ కొత్త పుంతలు తొక్కిస్తున్నారు. ఇందులో భాగంగా చిత్ర దర్శకుడు మారుతి రీసెంట్‌గా ఓ వీడియోను విడుదల చేశారు. అందులో ఆయన మాట్లాడుతూ ‘రాజాసాబ్‌ రిలీజ్‌కు ముందు రాజాసాబ్‌ ప్రపంచంలోకి మీ అందర్నీ తీసుకెళ్లబోతున్నాం. రాజాసాబ్‌ ప్రయాణాన్ని ఇందులో ఆవిష్కరించనున్నాం.

అసలు ఈ ప్రపంచ సృష్టి ఎలా జరిగింది?.. దీని వెనుక ఉన్న కష్టం ఏంటి?.. ఈ సినిమా వీఎఫ్‌ఎక్స్‌ పనుల్లో ఏం జరిగింది? ఈ ప్రశ్నలన్నింటికీ సమాధానంగా ఈ వీడియో ఉంటుంది. ఈ ట్రీట్‌ని త్వరలోనే మీ ముందుకు తీసుకురాబోతున్నాం. ‘ది రాజాసాబ్‌ ట్రీట్‌ ఆన్‌ ది వే..’ అని మారుతి చెప్పుకొచ్చారు. మాళవిక మోహనన్‌, నిధి అగర్వాల్‌, రిద్ది కుమార్‌ కథానాయికలుగా నటిస్తున్న ఈ చిత్రానికి కెమెరా: కార్తీక్‌ పళని, సంగీతం: ఎస్‌.తమన్‌, నిర్మాత: టీజీ విశ్వప్రసాద్‌, నిర్మాణం: పీపుల్‌ మీడియా ఫ్యాక్టరీ.