యూనివర్సల్‌ కాన్సెప్ట్‌తో తీశాం

సాధారణంగా సస్పెన్స్‌ థ్రిల్లర్‌ సినిమాలను ఫ్యామిలీ ఆడియెన్స్‌ చూడటానికి అంతగా ఇష్టపడరు. కానీ ‘ఫియర్‌' అందుకు భిన్నంగా అందరూ చూసేలా ఉంటుంది’ అని చెప్పారు దర్శకురాలు డా॥ హరిత గోగినేని.

సాధారణంగా సస్పెన్స్‌ థ్రిల్లర్‌ సినిమాలను ఫ్యామిలీ ఆడియెన్స్‌ చూడటానికి అంతగా ఇష్టపడరు. కానీ ‘ఫియర్‌’ అందుకు భిన్నంగా అందరూ చూసేలా ఉంటుంది’ అని చెప్పారు దర్శకురాలు డా॥ హరిత గోగినేని. ఆమె దర్శకత్వంలో వేదిక ప్రధాన పాత్రలో నటించిన ‘ఫియర్‌’ చిత్రం ఈ నెల 14న ప్రేక్షకుల ముందుకురానుంది. ఈ సందర్భంగా శనివారం ఏర్పాటు చేసిన సమావేశంలో డా॥ హరిత గోగినేని పాత్రికేయులతో మాట్లాడుతూ ‘మూడేళ్ల క్రితం ఈ సినిమా ఆలోచన మొదలైంది.

‘భయం’ గురించిన కాన్సెప్ట్‌ కాబట్టే అదే టైటిల్‌గా పెట్టాలనుకున్నాం. అయితే అన్ని భాషలకు రీచ్‌ అయ్యేలా ‘ఫియర్‌’ టైటిల్‌ను ఎంచుకున్నాం. ఈ సినిమా వివిధ అంతర్జాతీయ ఫిలిం ఫెస్టివల్స్‌లో 70కిపైగా అవార్డులను గెలుచుకుంది. తెలుగులో విడుదలైన తర్వాత మిగతా భాషల్లో రిలీజ్‌కు సన్నాహాలు చేస్తున్నాం’ అని చెప్పింది.

యూనివర్సల్‌ కాన్సెప్ట్‌తో ఈ సినిమా తీశామని, రెగ్యులర్‌ సస్పెన్స్‌ థ్రిల్లర్స్‌కు భిన్నంగా ఉంటుందని హరిత గోగినేని పేర్కొంది. చిన్న చిత్రాలకు కంటెంట్‌ ప్రధానమని, అదే ఉద్దేశంతో నిజాయితీగా ఈ సినిమాను తెరకెక్కించామని, త్వరలో ఓ యాక్షన్‌ మూవీతో పాటు కామెడీ ఎంటర్‌టైనర్‌కు ప్లాన్‌ చేస్తున్నామని హరిత గోగినేని చెప్పింది.