థియేటర్లలో ఆర్ఆర్ఆర్ (RRR) సందడికి టైం ఫిక్సయింది. ఇంకా రెండు రోజుల్లో మూవీ లవర్స్ ఎప్పుడెప్పుడా అని ఎదురుచూస్తున్న ఆర్ఆర్ఆర్ సిల్వర్ స్క్రీన్పై మెరువనుంది. ఈ క్రేజీ ప్రాజెక్టుకు సంబంధించి ఒక్కో అప్డేట్ ప్రేక్షకుల్లో ఉత్కంఠ రేకెత్తిస్తుంది. తాజాగా ఓ ఆసక్తికర విషయం ఫిలింనగర్ సర్కిల్లో చక్కర్లు కొడుతోంది.
అర్జున్ రెడ్డి డైరెక్టర్ సందీప్ రెడ్డి (Sandeep Reddy Vanga) చేసిన ఆర్ఆర్ఆర్ స్పెషల్ ఇంటర్వ్యూ (RRR Special interview) లో రాజమౌళిని యాక్షన్ కొరియోగ్రఫీ గురించి ఓ ప్రశ్న అడిగాడు. దీనికి రాజమౌళి స్పందిస్తూ..మొదట కొరియోగ్రాఫర్ ప్రేమ్ రక్షిత్ మాస్టర్ (Prem Rakshith) పేరు ప్రస్తావించాడు. అదేంటి యాక్షన్ కొరియోగ్రఫీ గురించి అడిగితే డ్యాన్స్ మాస్టర్ గురించి చెప్పాడనుకుంటున్నారా..? ఆర్ఆర్ఆర్ లో నాటు నాటు పాటను ప్రేమ్రక్షిత్ మాస్టర్ కంపోజ్ చేశాడని తెలిసిందే. దీంతోపాటు సినిమాలో కొన్ని యాక్షన్ స్టంట్స్ ను కూడా ప్రేమ్రక్షిత్ కంపోజ్ చేశాడని చెప్పాడు జక్కన్న.
అంతేకాదు బాహుబలి 2 సినిమాలో ప్రభాస్, అనుష్కాశెట్టి మధ్య కుంతల సామ్రాజ్యంలో వచ్చే బాణం (యుద్ద సన్నివేశాలు) సీక్వెన్స్ ను కంపోజ్ చేసింది ప్రేమ్ రక్షిత్ మాస్టరేనని చెప్పుకొచ్చాడు. ఈ చిత్రంలో అల్లూరి సీతారామరాజు పాత్రలో రాంచరణ్ నటించగా..కొమ్రంభీంగా ఎన్టీఆర్, సీతగా అలియాభట్ నటించింది.