Chandramukhi-2 Movie | చంద్రముఖి సినిమాకున్న ఫాలోయింగ్ అంతా ఇంతా కాదు. ఇప్పటికీ ఈ సినిమా చూస్తుంటే వెన్నులో వణుకు పుడుతుంది. అలాంటి సినిమాకు సీక్వెల్ (Chandramukhi-2) తెరకెక్కుతుందంటే ఆడియెన్స్ ఏ రేంజ్లో అంచనాలు పెట్టుకుంటారో ప్రత్యేకించి చెప్పనవసరం లేదు. పైగా దెయ్యాలకు శరీరాన్ని అప్పుగా ఇచ్చే లారెన్స్.. ఇందులో హీరోగా చేస్తుండటంతో జనాల్లో కాస్త క్యూరియాసిటీ పెరిగింది. ఇక తమిళంతో పాటు తెలుగులోనూ ఈ సినిమాను సెప్టెంబర్ 28న గ్రాండ్ లెవల్లో రిలీజ్ చేస్తుండగా.. టాలీవుడ్లో పెద్ద ఎత్తున ప్రీ రిలీజ్ వేడుకను ప్లాన్ చేశారు. ఇదిలా ఉంటే ఈ సినిమా నుంచి మేకర్స్ మరో సాలిడ్ అప్డేట్ ఇచ్చారు.
రెండు వారాల కిందట ఈ సినిమా నుంచి ట్రైలర్ విడుదల కాగా అది ప్రేక్షకులను కొసమెరుపు కూడా ఆకట్టుకోలేకపోయింది. దానికి తోడు ట్రోలర్ రాయుళ్లకు కావాల్సిన స్టఫ్ అంతా ట్రైలర్లోనే కనిపించింది. ఇక కథ కూడా ఏ మాత్రం మార్చినట్లు లేదు. అదే కథను 4కేలో చూపించబోతున్న ఫీలింగ్ కలుగుతుంది. అయితే ఈ మూవీపై ఉన్న నెగిటివ్ బజ్ను పోగొట్టడానికి ఈ మూవీ నుంచి కొత్త ట్రైలర్ (Chandramukhi-2 Second Trailer) విడుదల కానుంది. ఈ విషయాన్ని మేకర్స్ సోషల్ మీడియాలో తెలిపారు. ఈ కొత్త ట్రైలర్ను ఈరోజు సాయంత్రం 5 గంటలకు విడుదల చేయనున్నట్లు ప్రకటించారు. ఇదిలా ఉంటే చంద్రముఖి 2 బజ్ అంతా సెకండ్ ట్రైలర్ పైనే డిపెండ్ అయ్యుందేమో అని ఆడియన్స్ భావిస్తున్నారు.
Waiting for more glimpses from Chandramukhi-2? 👀🐾 Peep into the thrilling world of #Chandramukhi2 with the NEW trailer out tomorrow at 5PM! 😱🏇🏻🔥#PVasu @offl_Lawrence @KanganaTeam @LycaProductions #Chandramukhi2FromSep28 pic.twitter.com/YroTy77syG
— Ramesh Bala (@rameshlaus) September 22, 2023
మరోవైపు ఈ సినిమా ప్రీ రిలీజ్ వేడుక సెప్టెంబర్ 24 తేదిన హైదరాబాద్లో జరుగనుంది. ఇప్పటికే చెన్నైలో చేసిన వేడుకకు ఊహించని స్థాయిలో రెస్పాన్స్ వచ్చింది. దాంతో తెలుగులోనూ అదే స్థాయిలో ప్రీ రిలీజ్ వేడుకను ప్లాన్ చేస్తున్నారు. దానికోసం ఫిలిం నగర్లోని జే.ఆర్.సీ కన్వెషన్ హాల్ను ఎంచుకున్నారు.అయితే ఈ ప్రీ రిలీజ్ వేడుక సెప్టెంబర్ 11 జరగాల్సి ఉంది. కానీ మూవీ సెప్టెంబర్ 28కి పోస్ట్ పోన్ కావడంతో ఈ వేడుకను ఆదివారం ఫిక్స్ చేశారు. ఇక ఇన్సైడ్ రిపోర్ట్స్ ప్రకారం ఈ వేడుకకు ఓ టాలీవుడ్ స్టార్ డైరెక్టర్ గెస్ట్గా రానున్నాడట. ఇక ఈ సినిమాను పాన్ ఇండియా లెవల్లో సెప్టెంబర్ 28న విడుదల చేయనున్నారు.